Jizzax politexnika instituti «qurilish materiallari va konstruksiyalari»

Sun’iy konglomeratlar 
Qurilish  ashyolari  ko‘pincha  ikki  xil  nom  bilan  yuritiladi.  Biri  sun’iy, 
ikkinchisi  tabiiy  konglomeratlardir.  Bularning  har  ikkalasi  ham  bog‘lovchi 
moddalar  vositasida  xilma-xil  jinslarning,  tartibsiz,  tasodifiy  yoki  tabiiy  birikkan 
qurilish  ashyolarining  bir  turidir.  Tabiiy  konglomerat  tosh,  qum,  shag‘al  va  shu 
kabilarning  ohak,  loy  yoki  boshqa  bog‘lovchilar  vositasida  yuqori  qatlamning 
bosimi  ostida  pishiq  birikkan  qurilish  ashyosidir.  Konglomeratlarning  xossalari, 
avvalo, bog‘lovchilarning to‘ldirgichlar bilan yopishish darajasiga bog‘liq. Har xil 
ashyolar  o‘zaro  mexanik  ravishda  aralash  bo‘lsa,  lekin  unda  organik  yoki 
anorganik  bog‘lovchi  moddalar  bo‘lmasa,  tarkibdagi  har  bir  ashyo  o‘zicha  erkin 
holatda qoladi. 
Anorganik va organik bog‘lovchilarni yelim desa ham bo‘ladi. Ular boshqa 
ashyolar  bilan  qorishtirilsa,  dona  va  zarrachalarni  bir  butun  yaxlit  holatga  — 
konglomeratga aylantiradi. Bog‘lovchilar bilan dona va zarrachalar yoki tolasimon 
ashyolar  o‘zaro  mustahkam  yopishishi  ikki  holatga  bog‘liq:  adgeziya  —  yyelim 
bilan  ashyodagi  dona,  zarracha  yoki  tolaning  yopishish  mustahkamligi  bo‘lsa, 
kogeziya  esa  yyelimning  mustahkamligidir.  Ikki  jismning  yopishish chegarasidan 
buzilishi  adgeziya  yoki  kogeziyaning  bo‘lishligidir.  Yopishgan  ikki  jism  orasida 
o‘zaro tutash qatlam hosil bo‘ladi. Polimer yyelimlar bilan yopishtirilganda, tutash 
qatlamning qalinligi mikronning o‘ndan biriga teng bo‘lsa, mineral yelimlarda esa 
20—50  mk.  ga  teng.  Jismlarning  o‘zaro  yopishish  yuzasi  qanchalik  katta  bo‘lsa 
(tekis  yuzadan  g‘adir-budir  yuzagacha)  ular  orasidagi  adgeziya  shunchalik  yuqori 
bo‘ladi.  Yuqori  adgeziyali  yelimlarga  suyuq  shisha,  magnezial  sement, 
portlandsement  va  glinozem  sementlar;  adgeziyasi  qoniqarsiz  yelimlarga  esa 
putssolan  portlandsementlar,  qurilish  gipsi  va  ohak  kiradi.  Tarkibida  2CaO·SiO
2
 
minerali  ko‘p  bo‘lgan  portlandsementning  yopishqokligi  oddiy  sementlarga 
qaraganda yuqori bo‘ladi.