Jizzax politеxnika instituti "oliy matеmatika" kafеdrasi

KIRISH

Ushbu uslubiy qo`llanma tеxnika yo`nalishi buyicha ta'lim olayotgan 1-kurs talabalari uchun oliy matеmatikaning «Aniq intеgralning gеоmеtriyaga tadbiqi» qismi bo`yicha yozilgan bo`lib, talaba mustaqil ish darsi uchun mo`ljallangan.

Mazkur qo'llanma O'zbekiston Respublikasi Vazirlar Mahkamasining 2001 yil 16 avgustdagi “Oliy ta'limning davlat ta'lim standartlarining tasdiqlash to'g'risida”gi 343-son qaroriga muvofiq va O'zbekiston Respublikasi Oliy va o'rta maxsus talim vazirligining 2005 yil 21 fevraldagi 34-sonli buyrug'i bilan tasdiqlangan “Talaba mustaqil ishini tashkil, nazorat qilish va baholash tartibi to'g'risida”gi Nizomga asosan ishlab chiqilgan.

Talabaning mustaqil ishi o'quv rejasida muayyan fanni o'zlashtirish uchun belgilangan o'quv ishlarining tarkibiy qismi bo'lib, u uslubiy va axborot resurslari jihatidan taminlanadi hamda bajarilishi reyting tizimi talablari asosida nazorat qilinadi.

Hozirgi zamon talabiga javob beruvchi injener-mexaniklarni tayyorlashni fundamental hisoblangan matematika bo'yicha bilim darajasini ko'tarmasdan amalga oshirish mumkin emas. Shuning uchun “Oliy matematika” fani keng qamrovli injener-mexaniklarning shakllanishida katta ahamiyatga ega. Bundan tashqari matematika ko'pgina texnika fanlarni muvaffaqiyatli o'zlashtirish vositasi va bilish apparati vazifasini o'taydi.

“Oliy matematika”ning mazkur bo'limlari texnikaga doir malalarni yechishda asos hisoblanadi. Zamonaviy matematika metodlarni o'rganish, talabalarga olgan bilimlarini oliy o'quv yurtini bitirgandan so'ng kundalik foaliyatidagi dolzarb amaliy masalalar yechishda, hamda hozirgi zamon texniklariga oid ilmiy va uslubiy adabiyotlarni o'rganib kasb malakasini oshirishga qo'l keladi.