Jizzax davlat pedagogioka institut

O‘quvchilarni tayyorlash darajasi va bosqichlari	O‘qitish yili
O‘quv guruhlari bilan o‘quv-mashq ishlari rejimi (haftadagi akademik soatlar)
1.	Sport-sog‘lomlashtirish mashg‘uloti	Butun davrda	6
2.	Boshlang‘ich tayyorgarlik	Birinchi o‘qitish yili	6
		Bir yildan ko‘p o‘qitish	8
3.	O‘quv-mashq mashg‘uloti	Birinchi o‘qitish yili	12
		Ikkinchi o‘qitish yili	14
		Uchinchi o‘qitish yili	18
		Uch yildan ko‘p o‘qitish	20
4.	Sportda kamolotga erishish	Birinchi o‘qitish yili	24
		Ikkinchi o‘qitish yili	26
		Ikki yildan ko‘p o‘qitish	28
5.	Oliy sport mahorati	Butun davrda	32

18. O‘quv-mashq ishlarining haftalik rejimi sport turining xususiyatlariga, sport tayyorgarligining davri va vazifalariga ko‘ra belgilanadi.
19. Sport maktabi trener-o‘qituvchisining bazaviy tarif stavkasi har haftadagi bevosita o‘quv-mashq ishlarining 26 akademik soati uchun belgilanadi. Mashg‘ulotlarga tayyorlanishga, tashkiliy va tarbiyaviy ishlarni amalga oshirishga sarflangan vaqtga, shuningdek jamoa (o‘quvchi-sportchilar) bilan birga musobaqalarda qatnashilgan vaqt uchun qo‘shimcha haq to‘lanmaydi.
20. Ixtisoslashtirilgan bolalar va o‘smirlar sport maktablarida, olimpiya zaxiralari ixtisoslashtirilgan bolalar va o‘smirlar sport maktablarida, oliy mahorat sport maktablarida, oliy sport mahorati maktablarida hamda Respublika oliy sport mahorati maktablarida ishlayotgan trener-o‘qituvchilarga bazaviy tarif stavkalari 15 foizga oshiriladi. Bunda ixtisoslashtirilgan bolalar va o‘smirlar sport maktablari, olimpiya zaxiralari ixtisoslashtirilgan bolalar va o‘smirlar sport maktablari, oliy mahorat sport maktablari, oliy sport mahorati maktablari hamda Respublika oliy sport mahorati maktablarining trener-o‘qituvchilariga qo‘shimcha haq va ustamalar, ushbu oshirilishni hisobga olmasdan, bazaviy tarif stavkasidan kelib chiqqan holda aniqlanadi.
21. Direktor, direktorning o‘quv ishlari bo‘yicha o‘rinbosari, instruktor-metodistlar o‘zlarining asosiy lavozimi bo‘yicha ish vaqti mobaynida, tegishli ma’lumotga va malaka toifasiga ega bo‘lgan sport bo‘yicha trener-o‘qituvchining bazaviy tarif stavkasi hisobidan haq to‘langan holda o‘z sport maktabida o‘quv-mashq mashg‘ulotlari olib borishlari mumkin. Ularning trener-o‘qituvchilik ishlari hajmi ushbu Nizomning 19-bandiga muvofiq sport maktabi trener-o‘qituvchisining belgilangan o‘quv-mashq ishlari hajmining 50 foizidan oshmasligi kerak.
III. Sport maktablarining direktorlari, direktorning o‘quv ishlari bo‘yicha o‘rinbosarlari, instruktor-metodistlari, trener-o‘qituvchilari va tibbiyot xodimlariga qo‘shimcha haq va ustamalar
22. Ixtisoslashtirilgan bolalar va o‘smirlar sport maktablarida, olimpiya zaxiralari ixtisoslashtirilgan bolalar va o‘smirlar sport maktablarida, oliy mahorat sport maktablarida, oliy sport mahorati maktablarida hamda Respublika oliy sport mahorati maktablarida ishlayotgan katta trener-o‘qituvchilarga, katta instruktor-metodistlarga, shuningdek “Xizmat ko‘rsatgan sport ustasi” faxriy unvoniga ega bo‘lgan xodimlarga eng kam oylik ish haqining 20 foizi miqdorida har oylik qo‘shimcha haq belgilanadi.
23. Sport maktablarining direktorlari, direktorlarning o‘quv ishlari bo‘yicha o‘rinbosarlari, instruktor-metodistlari, trener-o‘qituvchilari va tibbiyot xodimlari mehnatini rag‘batlantirish maqsadida ularga, o‘quvchi-sportchilar yuqori sport natijalariga erishgan taqdirda, bazaviy tarif stavkasiga (tarif stavkasiga) quyidagi har oylik ustamalar belgilanadi: