Jizzax davlat pedagogioka institut

II. Sport maktabi faoliyatini tashkil etish
5. Sport maktablari O‘zbekiston Respublikasi Prezidentining hujjatlari va O‘zbekiston Respublikasi Vazirlar Mahkamasining qarorlari bilan tashkil qilinadi.
6. Sport maktabi davlat muassasasi hisoblanadi va qonun hujjatlarida belgilangan tartibda davlat ro‘yxatidan o‘tkaziladi.
7. Davlat boshqaruvi organlari, mahalliy davlat hokimiyati organlari qonun hujjatlariga muvofiq davlat sport maktabining muassislari bo‘lishi mumkin.
8. Sport maktabi quyidagi turlarda tashkil etilishi mumkin:
bolalar va o‘smirlar sport maktabi;
ixtisoslashtirilgan bolalar va o‘smirlar sport maktabi;
olimpiya zaxiralari ixtisoslashtirilgan bolalar va o‘smirlar sport maktabi;
oliy mahorat sport maktabi;
oliy sport mahorati maktabi;
Respublika oliy sport mahorati maktabi.
9. Davlat sport maktablarining ushbu Nizomning 8-bandida ko‘rsatilmagan boshqa turlarini tashkil etishga yo‘l qo‘yilmaydi.
10. Sport maktabi ham sportning faqat bitta turini, ham sportning bir necha har xil turlarini rivojlantirish uchun tashkil etilishi mumkin.
11. Sport maktabida sport turlari bo‘yicha bo‘limlar soni uning muassisi tomonidan O‘zbekiston Respublikasi Madaniyat va sport ishlari vazirligining hududiy organlari bilan kelishgan holda belgilanadi.
12. Sport maktablarini davlat akkreditatsiyasidan o‘tkazish vakolatli davlat organlari tomonidan qonun hujjatlarida belgilangan tartibda amalga oshiriladi.
13. Sport maktabida o‘quvchi-sportchilar tayyorlash sifati yuzasidan davlat nazorati belgilangan tartibda attestatsiya o‘tkazish yo‘li bilan vakolatli davlat organlari tomonidan amalga oshiriladi.