Жиззах вилоят мактабгача таълим бошқармаси ғаллаорол туман мактабгача таълим бўлими тасарруфидаги 1-сон мактабгача таълим ташкилоти

Ўрта гурух
Ой номи: Февраль 2020 йил
Ой мавзуси:”Ғаройиб олам”
Давр:Февраль ойининг 1-ҳафтаси
Ҳафта мавзуси:”Бизнинг мамлакатимиз дўстлик ва тинчлик мамлакатидир”
Фаоллик марказлари:Қурулиш ва конструксиялаш,умумий гуруҳ бўлиб ишлаш,тил ва нутқ,фан ва табиат.
Ривожланиш сохалари бўйича мақсадлар:
1.Жисмоний ривожланиш ва соғлом турмуш тарзининг шакилланиши:Майда бюмларни бурайди ва бир-бирига улайди.Конструктор қисмларидан катта ва кичик хар хил предметлар ясайди.Кўрсатилган чизиқ бўйлаб қоғозни қайчи билан қирқади.
2.Ижтимоий хиссий ривожланиш:Ўз ҳохиш истаклари ва қизиқишларини билдиради.Машғулот давомида диққатини жамлайди .Ўйин давомида мулоқотга киришади.
3.Нутқ,мулоқот,ўқиш ва ёзиш малакалари:Бошланган ҳикояни давом эттира олади.Воқеа ходисалар тўғрисида мухокама даврида саволлар беради ва ўз фикрини давом эттиради.Дидактик ва сўз ўйинларини ўйнайди.Расмлар асосида тинланган асарларини асосий ўринларини гапириб бера олади.Бадий асардан парча тинглангандан асар номини айта олади.
4.Билиш жараёнининг ривожланиши:Жонзотларнинг асосий эҳтиёжларини таърифлайди ва таққослайди.Катталар билан биргалдикда тадқиқотларда иштирок этади.Предмет ва персонажлар чизади.
Кутилаётган натижалар:Қўшни мамлакатлар ҳақида билади.Эртак қаҳрамонларига ижобий ва салбий баҳо беради.Ўз қўли билан дўсти учун совға ясайди.Ижтимоий вазиятларга имоционал муносабат билдиради.Содда ва мураккаб нутқида қўллайди.
Машғулот жихози:Мавзуга оид рангли суратлар ”Сусамбил” мультфилми,дўстлик ҳақида шеър матни,уйча ясаш учун рангли қаламлар,ип,елим,қум,идишчалар,фильтир қоғози,ойна,рангли қоғоз,қайчи.
Фойдаланиладиган метод ва усуллар: Кўргазмали,сухбат,савол жавоб , ўйин, ақлий хужум,кичик гуруҳда ишлаш.
Машғулотнинг бориши:
Умумий гуруҳ бўлиб ишлаш.
Тарбиячи болаларни доира шаклида ўтиришга таклиф этади.Болаларга ифодали тарзда шеър айтиб беради ва бу шеърнинг мазмуни ҳақида сўрайди:
Турли-туман болалар кўп жахонда
Йиғилсалар сиғмас минг минг майдонга
Дунё юзи яна тинчу кенг бўлса
Ҳар боланинг бахти доим тенг бўлса.
Болалар бу шеър дўстлик,тинчлик ва болалар ҳақида эканлигини айтади.
Ақлий хужум:Гуруҳдаги барча болаларнинг маҳалладаги қўшнилари ва уларнинг тенгдош болаларнинг исмлари ва улар билан яқин иноқликда ўйнашларини сўрайди.Ахил иноқ дўст бўлиш учун хамиша бир бирига яхши гапириш,меҳр бериш ва совғалар ҳадя этиб туриш кераклигини айтиб ўтади.
Тарбиячи болалар диққатини гуруҳ хонасида ташкил этилган “Дўстим учун альбом” галареясига қаратади.

У ерда ота-оналар билан ҳамкорликда тайёрланган альбомларга бирин кетин изоҳ бериб ўтади. Ушбу альбомлар болаларнинг дўстлари учун совғалари эканлигини таъкидлаб ўтади.
Тарбиячи болалар диққатини яна бир галареяга қаратади.Бу галареяда Ўзбекистоннинг қўшни мамлакатларининг байроқлари ҳамда миллий кийимдаги болаларнинг расмлари намойиш этилган.

Тарбиячи ушбу байроқ ва миллий кийимлар қайси қўшни мамлакатларники эканлигини болалар билан бирга танишиб олишади.Бизнинг мамлакатимиз бу қўшни мамлакатлар билан неча йиллардан буён ахилликда дўст бўлиб яшаб келаётганлигини айтиб ўтади. Аҳил иноқликда ҳикмат кўп эканлигини айтиб ўтар экан . тарбиячи болаларга биргалик да ўзбек халқ эртаги асосида тайёрланган “Сусамбил” мультфилмини тамоша қилишни таклиф этади.

Тарбиячи болаларни тамоша қилган мультфилм қахрамонлари хамда бугунги мавзу бўйича ўрганган билимларини тасвирлаш учун фаоллик марказларига таклиф этади.Болалар Қурилиш ва конструксиялаш ,фан ва табиат,санъат марказларига ҳоҳишларига қараб бўлиниб олишади.