Jismoniy tarbiya va sport bo‘yicha mutaxassislarini qayta tayyorlash va malakasini oshirish instituti sport metrologiyasi fanidan amaliy mashg‘ulotlar

Nazorat savollari:

1. 
   Fizik kattalikni ta’riflang.
   
2. 
   O‘lchashning sodda usullarini ta’riflang.
   
3. 
   Sport metrologiyasidagi asosiy o‘lchov birliklari nimalardan iborat?
   
4. 
   Shkala tushunchasini izohlang va uni qiymatlarini ta’riflang.
   
5. 
   Nominal shkalani ta’riflang.
   
6. 
   Tartib shkalasini ta’riflang.
   
7. 
   Intervalli (oraliq) shkalasi
   
8. 
   Nisbatlar shkalasini ta’riflang.
   
9. 
   Baholash shkalalarini ta’riflang.
   
10. 
    O‘lchov birligi nima?
    

3. Sportda jismoniy rivojlanganlikni aniqlash

Fiziologiya fanida «Bolaning jismoniy tarbiyasi» sog‘likni saqlash va mustahkamlash, mushak kuchini rivojlantirish, harakat tezligi, chidamlilik, moslashuvchanlik, yepchillik, muvozanati, organizmning tashqi noxush ta’sirlarga chidamliligini oshirish, shuningdek, maktabdagi aqliy hamda jismoniy yuklamalardan kengi zo‘riqishlar ta’siri tushunchasini o‘z ichiga oladi.

Jismoniy rivojlanish- organizmning ma’lum hayot bosqichida insonning jismoniy kuchi va samaradorligi zaxirasini belgilovchi morfologik va funksional xususiyatlari majmuasi.
Jismoniy rivojlanishni baholash uchun odam tanasi va uning alohida qismlarini o‘lchashdan iborat tekshirishlarning asosiy usullaridan biri antropometrik¹ o‘lchash ma’lumotlaridan foydalaniladi. 
Bularga uchta asosiy guruh ko‘rsatkichlari kiradi, ya’ni
Somatometriya -bo‘y uzunligi (tik va o‘tirish), ko‘ndalang o‘lchamlari, tana og‘irligi, bosh aylanasi, ko‘krak qafasi, oyoq-qo‘llar, yelka va to‘sh suyagi kengligini o‘lchash;
Somatoskopiya -tana tuzilishi va umumiy o‘z-o‘zini his qilishni tashqi belgilar bilan baholash (tashqi integument holati, suyak skeleti, muskullarning rivojlanishi, yog‘ning cho‘kish darajasi, qad-qomatning xususiyatlari, oyoqlarning shakli, balog‘atga yetish darajasi);
Fiziometriya -tana funksiyalarini o‘rganish (o‘pkaning hayotiy sig‘imi, qon tomir yurish tezligi, artiral bosim, qo‘l va tik kuch va boshqalar.) fizik asboblar yordamida (tonometr, spirometr, qo‘l va tana kuchi va boshqalar.).