Jismoniy shaxslarning bank kartalaridan mablag’larni yechib olish orqali kredit bo’yicha qarzdorlikni avtomatlashtirilgan tarzda yig’ish Qoidalari Mundarija

Grafik bo’yicha mablag’larni yechib olish – 
muddati o’tgan qarzdorligi mavjud bo’lgan 
kreditlar bo’yicha ABT tomonidan avtomatik tarzda har kuni anketaga biriktirilgan kartadan pul 
mablag’larini yechib olish. Kartadan qarzdorlikni avtomatik tarzda yechib olishni yo’lga qo’yish 
uchun xizmat anketaga “biriktirilgan” kartani validatsiyalash uchun tasdiqlash kodini hosil qilish 
yo’li bilan so’rovni yuboradi; 
Tasdiqlash kodi – 
ma’lum bank kartasidan pul mablag’larini yechib olish bo’yicha 
tranzaksiyalarni amalga oshirishga mijozning roziligini olish uchun xizmat qiluvchi tizim 
tomonidan avtomatik tarzda hosil qilingan unikal kod (one time password). Tranzaksiyaga qarab 
kodlar 2 turga bo’linadi. Ma’lum summa doirasida pul mablag’larini bir martalik tarzda hisobdan 
chiqarish bo’yicha tranzaksiyalarga tizim “R” lotin harfi bilan boshlanadigan kodni hosil qiladi. 
Grafik bo’yicha summalar doirasida pul mablag’larini davriy tarzda hisobdan chiqarish bo’yicha 
tranzaksiyalarga “D” lotin harfi bilan boshlanadigan kod hosil qilinadi; 
Veb interfeys – 
ssuda anketalar monitoringini va mablag’larni hisobdan chiqarish uchun 
kartani “biriktirishni” amalga oshirishga vakolatli bo’lgan Bank xodimining veb ilovasi; 
Qisqa raqam
– mazkur xizmat doirasida mijozlar bilan sms-xabarnoma almashish uchun 
mo’ljallangan, Bank nomiga ro’yxatdan o’tkazilgan 6900 raqami. 
II. Xizmat funksionalining ta’rifi
3. Bank IT infratuzilmasining tarkibiy qismi sifatida xizmat quyidagilarni o’z ichiga 
oluvchi Bankda kreditlar bo’yicha qarzdorliklarni yig’ish tizimining bir qismi hisoblanadi: 
Axborot xizmatlari
a) kredit bo’yicha to’lovlarga 3 kun qolganda ular to’g’risidagi xabarnomani mobil ilova 
foydalanuvchilariga yuboradigan “Ipak Yo’li Mobile” xizmati; 

---

b) qarzdorlikni undirish bo’yicha Bank mas’ul xodimlarining funksiyalari, shu jumladan 
soft collection (aloqa markazi orqali muammoli kredit hisoblanmaydigan 3 kundan 30 kungacha 
muddati o’tgan qarzdorlikka ega bo’lgan mijozlarga qo’ng’iroq qilish), shuningdek hard-
collection.