Jismoniy shaxslarning bank kartalaridan mablag’larni yechib olish orqali kredit bo’yicha qarzdorlikni avtomatlashtirilgan tarzda yig’ish Qoidalari Mundarija

---

 
Jismoniy shaxslarning bank kartalaridan mablag’larni yechib olish orqali kredit bo’yicha 
qarzdorlikni avtomatlashtirilgan tarzda yig’ish
Qoidalari 
Mundarija: 
1. Umumiy qoidalar 
2. Xizmat funksionalining ta’rifi 
3. Xizmatning texnik ta’rifi 
4. Yakuniy qoidalar 
I. Umumiy qoidalar 
1. Mazkur Qoidalar “Banklar va bank faoliyati to’g’risida” gi, “Mikromoliyalash 
to’g’risida” gi O’zbekiston Respublikasi Qonunlari, O’zbekiston Respublikasi Prezidentining 
2017 yil 2 fevraldagi PQ-2751-sonli “Respublikada bank plastik kartochkalari asosida naqd 
pulsiz hisob- kitob tizimini yanada rivojlantirish uchun qulay shart-sharoitlar yaratish chora-
tadbirlari to‘g‘risida” gi qarori, Tijorat banklari tomonidan bank kartalarini chiqarish va ularning 
O‘zbekiston Respublikasida muomalada bo‘lishi tartibi to‘g‘risidagi Nizom (ro’yxat raqami 
1344, 30.04.2004 y.), O‘zbekiston Respublikasida naqd pulsiz hisob-kitoblar to‘g‘risidagi Nizom 
(ro’yxat raqami 2465, 03.06.2013 y.), “Jismoniy shaxslarga overdraft krediti va mikroqarz berish 
to’g’risida” gi O’zbekiston Respublikasi Markaziy bankining Tavsiyalari (2018 yil 29 maydagi 
19-31/727-sonli xat), O’zbekiston Respublikasi Markaziy bankining boshqa normativ hujjatlari 
AIT “Ipak Yo’li” bankining Kredit siyosati va boshqa ichki normativ hujjatlariga muvofiq ishlab 
chiqilgan va jismoniy shaxslarning bank kartalaridan mablag’larni yechib olish orqali kredit 
bo’yicha qarzdorlikni yig’ish bo’yicha avtomatlashtirilgan xizmatning ishlash tartibini 
belgilaydi. 
2. Mazkur Qoidalarda uning matnida bosh harf bilan keltiriladigan quyidagi atamalar 
qo’llaniladi: 
Xizmat
– kreditning joriy holati to’g’risida mijozga axborot beruvchi, shuningdek 
mijozning yoki Bank xodimining tashabbusiga ko’ra jismoniy shaxslarning bank kartalaridan 
mablag’larni yechib olish orqali kredit bo’yicha qarzdorlikni undirishni amalga oshiruvchi
Bankda ishlab chiqilgan avtomatlashtirilgan tizim;