Jismoniy rivojlanish ko‘rsatkichlarini

Umumiy o‘z-o‘zini massaj qilish. Bu massajning juda ko‘p usullari bor. Quyida siz bilib olishingiz kerak bo‘lgan massaj usullari bilan tanishasiz: silash; siqish; ezish; silkitish; uqalash; faol, passiv va qarshi harakat bilan; urish usullari; ezish bilan qilinadigan massaj.

20 daqiqali massajda silash, silkitish, urish usullari va passiv harakat bilan amalga oshiriladigan massaj bajariladi. Passiv harakat usuli 2 daqiqa, siqish va uqalash — 8 daqiqa, ezish usuli— 10 daqiqa davom etadi.
Silash. Bu usul kaft bilan bajariladi. Bunda bosh barmoq alohida, qolgan to‘rt barmoq birga harakatlanadi. Massaj qilinayotgan joyga kaftni qo‘yib, uni yengil bosiladi. Bu ish bir yoki ikki qo‘l bilan galma-gal bajariladi. Silashda bir kaft to‘g‘ri, ikkinchisi ilonizi harakatlarini bajarganda natija kutilgan samarani beradi (4-rasm).

a b
5-rasm.
Siqish. Bu usulda bosh barmoq ko‘rsatkich barmog‘i bilan birlashtiriladi, panjalar kaft bilan pastga buriladi, u massaj qilinayotgan joyga ko‘ndalang qo‘yiladi va shu yer bosh barmoq bilan siqiladi. Siqish kaftning yoni bilan ham amalga oshiriladi, bunda barmoqlar yengil bukilgan bo‘ladi. Panjalar ham muskulga nisbatan ko‘ndalangligicha qoladi. Siqishni yanada samaraliroq qilish uchun usul bajarayotgan qo‘lning ustiga boshqasi qo‘yiladi (5-a,b rasmlar).
Ezish. Bu muskullarni massaj qilishda asosiy usuldir.
Ordinar ezish. Bu usul bo‘ksada, yelkada, qo‘lda, ko‘krakda, dumbada, qorinda, boldir muskulida bajariladi. Muskul barmoqlar bilan ko‘ndalangiga qattiq va to‘g‘ri ushlanadi, so‘ngra barmoqlar yig‘ilib, muskul asta tortiladi va to‘rt barmoq tomoniga aylanma harakat bajariladi. So‘ngra muskul yengil bo‘shatiladi va kaft bilan suyakka siqiladi. Shu tarzda asta-sekin yuqoriga harakat qilinadi (6-a rasm).
Qo‘shaloq grif. Bu usul yirik va yaxshi rivojlangan muskullar — boldir, bo‘ksada qo‘llaniladi. Uni bajarishda bir qo‘l ikkinchi qo‘lning ustida bo‘ladi (6-b rasm).