Jismoniy madaniyat

Ijtimoiy-psixologik adaptatsiya – xodimning mehnat jamoasidagi mavjud munosabat tizimiga moslashishi, jamoaga xos bo’lgan norma va qoidalar hamda unga guruh tomonidan belgilangan rolni va mavqeni qabul qilish jarayoni.

Ijtimoiy-psixologik portret – bu shaxsning yuksak salohiyat, tasavvurga boylik, amaliy fantaziya, ichki kechinmalar rivoji, amaliy o’ylar (intellekt jihatdan); hamkasblar mehnatini qadrlash, boshqa odam bilan muomala qilish qobiliyati, har doim oqimga qarshi yurish uchun tayyorlik (kommunikativ jabhada); tavakkalga qodirligi, ichki kechinmalarni boshqarish, tan olishga intilish, mag’lubiyatga uchrash motividan ko’ra, muvaffaqiyatga erishish motivini yuqori qo’ya bilish (motivatsion-irodaviy jihatdan) kabi sifatlari majmuidir.

Imidj – shaxsning jamiyat a’zolari tomonidan tashqi qabul qilinuvchi obrazi. I. – tovar obrazi, uning biron narsani eslatishi, o’xshashi va aks ettirishi, tovar bozori iqtisodiyotiga chambarchas bog’liq bo’lgan ijtimoiy-psixologik holat. Tovar imidji tovarning reputasiyasi, tovar markasi, tovar ishlab chiqarilgan korxona va mamlakat bilan assosiasiyalashadi.

Intiluvchanlik – yaxshilik, qulaylik hamda doimo foydaga intilish qobiliyati.

Iqtisodiy ong – o’z qarashlari, maqsadlari, dunyoqarashiga ega bo’lgan inson ongida bevosita ishlab chiqarish, o’zlashtirish va foyda olishga aloqador ob’yektlarning aks etishidir. I.o. murakkab psixologik tuzilma bo’lib, u bevosita iqtisodiy vaziyatlar va shart-sharoitlarning shaxs ongi, dunyoqarashi va motivlariga ta’siridan hosil bo’ladi.