Жисмоний маданият соҳасида илғор хорижий тажрибалар

Yirik motorikani rivojlantirish. Bola o‘z tanasini boshqaradi va ma'lum maqsad sari aniq harakatlanadi. U yurish, yugurish, yumalatish, irg‘itish, ilib olish, emaklash, tirmashish, muvozanat saqlash kabi asosiy harakatga doir mashqlarni bajara oladi.
Bolaning sport turlari bilan shug‘ullanishiga ko‘maklashish; jismoniy chiniqishi uchun ochiq havodan samarali foydalanish: estafetali o‘yinlarni tashqil qilish, musiqa ohangiga mos gimnastika harakatlarini bajarishini rag‘batlantirish, sport anjomlari bilan ta'minlash, turli sport anjomlaridan foydalanish imkoniyatini berish.
Asosiy harakatlarga doir mashqlar.
Yurish mashqlari. Oddiy gimnastik qadam tashlab yurish; oldinga, yonga, orqaga, doira bo‘ylab, yengil qadam tashlab yurish; bir qatorda va juftlikda, oyoqlarini old tomon tashlab shahdam yurish, oyoq uchlarida yurish, kattalarning ko‘rsatmasiga qarab yurish; tezligi va yo‘nalishini o‘zgartirgan holda yurish; yurish vaqtida muvozanatni saqlash. Gimnastika o‘rindig‘ida tik turish, oyoq uchida turish, gimnastika o‘rindig‘i ustidan yurib o‘tish, qo‘llar belda, ko‘zni yumib yurish ko‘nikmalarini tarkib toptirish.
Yugurish mashqlari. 1,5 daqiqa davomida sekin yugurish; 30-40 m masofaga o‘rtacha tezlikda yugurish; buyumlar orasidan, ularga tegib ketmaslikka harakat qilgan holda yugurish; 10x3 masofaga borib-kelgan holda yugurish; sekin, o‘rtacha va tez yugurishga; kim o‘zarga yugurishga o‘rgatish; yugurish vaqtida muvozanatni saqlash.
Sakrash mashqlari. Turli usullarda: ikki oyog‘ida, bir oyog‘ida oldinga harakatlanib, bir oyog‘ini ikkinchi oyog‘iga almashtirib sakrash; chiziqlar ustidan; past buyumlar ustidan sakrab o‘tish va sakrab tushish; yugurib kelib balandlik va uzunlikka sakrash.
Otish, ilib olish va irg‘itish mashqlari. To‘pni bir qo‘l bilan otish va ilib olish; bir qo‘lidan boshqa qo‘liga irg‘itish; koptokni o‘z sherigiga turli holatlarda irg‘itish; bir joyda turib yoki oldinga harakatlanib, polga, yerga urish; ikki qo‘li bilan ilib olish, bu jarayonda (yuqoriga otib tushgunga qadar) chapak chalish va boshqa topshiriqlarni bajarish.