Жисмоний маданият соҳасида илғор хорижий тажрибалар

Ikkinchi shart – o‘rgatish dasturini, harakat tuzilishini tahlil qilish va bolalarning individual xususiyatlarini bilish asosida tuzish.
Uchinchi shart – mashqni o‘zlashtirish jarayonini mohirlik bilan boshqarish. Buni jismoniy tarbiya instruktorifaoliyatini tahlil qilish hamda aniqlik kiritadigan buyruqlar va nazorat topshiriqlarini tanlash asosida amalga oshiriladi.
To‘rtinchi bosqich – tegishli sharoit va gimnastika vositalarinig mavjud bo‘lishi. Bunga mashg‘ulot joyi (zal, maydoncha), asosiy va yordamchi snaryadlar, uslubiy o‘quv vositalari va hokazolar kiradi.
Nazorat savollari
1. Gimnastika mashqlarini o‘rgatishning asosiy vazifalari nimadan iborat?
2. Mashqlarni o‘rgatishdagi asosiy qoidalarni ayting.
3. Gimnastika mashqlarini o‘rgatishda onglilik va faollilik tamoyillari qanday o‘ringa ega?
4. Gimnastika mashqlarini o‘rgatishda ko‘rgazmalilik tamoyili qanday ahamiyatga ega?
5. Gimnastika mashqlarini o‘rgatishda osonlik tamoyili qanday o‘ringa ega?
Adabiyotlar ro‘yxati
1. Raximkulov K. Kichik yoshdagi bolalarning qaddi-qomatini rivojlantirishga mo‘ljallangan mashqlar va harakatli o‘yinlar. -T.: Tafakkur-bo‘stoni, 2015.
2. Morgunova I.I. Gimnastika. - T.: Ilm-ziyo, 2017.
3-mavzu: Gimnastika mashqlarini o‘rgatishning didaktik tamoyillari va shakllari
Reja:
3.1. Maktabgacha ta’lim tashkilotlarida ertalabki gimnastikani o‘tkazish metodlari.
3.2. Mashqlarning meʼyorlanishi.


Tayanch tushunchalar: kundalik, tamoyil, ko‘rgazmalilik, tizimlilik, ko‘nikma, vosita, mashq uslubi, harakat texnikasi.
3.1. Maktabgacha ta’lim tashkilotlarida ertalabki gimnastikani o‘tkazish metodlari
Gimnastika mashg‘ulot jarayonini tashqil etishda o‘rgatishning didiktik prinsiplari asosiy faoliyat qo‘llanmasi hisoblanadi.
Onglilik va aktivlik prinsipi. Gimnastika mashqlari bolalarning harakat va idoraviy hislatlariga katta talablar qo‘yadi. Yangi mashqlarni o‘zlashtirish jarayonidagi onglilik va aktivlik pritsipi bolalardan eng avvalo harakatni tushunib o‘rganishni, qo‘yilgan vazifalarni hal etishga qiziqib va ijodiy munosabatda bo‘lishni talab etadi. Mashg‘ulot jarayonida harakat ko‘nikmalarini ongli o‘rganib olishlari uchun bolalarga quyidagilarni o‘rgatish zarur.
- yangi harakatni o‘zlashtirish bilan bog‘liq bo‘lgan turli qiyinchiliklarni yengish;
- kundalik daftar tutish va mashqlarni o‘zlashtirish rejasini tuzish;
- jismoniy tarbiya instruktoriga mashg‘ulotni tashqil etishda va o‘rtoqlariga harakatni o‘rgatishda yordam berish.