Жиноят ҳУҚУҚИ (махсус қисм) маъруза: тинчлик ва инсоният хавфсизлигига қарши жиноятлар мавзу режаси: 1

Ёлланувчининг ўзга давлат ҳудудида ёки унинг тарафини олиб Қуролли тукнашув ёки ҳарбий ҳаракатлада иштирок этиши деганда ёлланувчининг рагбатлантириш ёки бошқа шахсий манфаатлари эвазига ҳарбий сифатида барча курининшда ўз кобилиятларини ёлловчи манфаати учун намоён қилишини тушунилади.
Объектив томонининг мажбурий шарти – қуролланган зиддият ёки ҳарбий ҳаракатлар шароитидир.
ЖКнинг 154-моддаси 2-қисмда назарда тутилган жиноятнинг объектив томондан ёлланувчини ёллаш, ўқитиб тайёрлаш, моддий раҳбатлантириш ёки бошқа шахсий фойдалари жиҳатдан таъминлаш ҳамда қуролланган зиддиятлар ёки ҳарбий ҳаракатларда ундан фойдаланишда ифодаланади..
Субъектив томондан қасддан содир этилади.
ЖКнинг 154-моддасида назарда тутилган жиноятнинг асосий белгиси бўлиб моддий раҳбат ёки шахсий фойда олиш мақсади хизмат қилади.
Жиноят субъекти 16 ёшга етган ақли расо, жисмоний шахс ҳисобланади.


5. ҲАРБИЙ ХИЗМАТГА, ХАВФСИЗЛИК ОРГАНЛАРИГА, ПОЛИЦИЯГА, ҲАРБИЙ АДЛИЯГА ВА БОШҚА ШУ КАБИ ХОРИЖИЙ ДАВЛАТ ТАШКИЛОТЛАРИГА КИРИШ.

ЖКнинг 154¹-моддасида назарда тутилган жиноятнинг бевосита объекти давлатларнинг хавфсизлиги ва осойишта ҳаётини таъминловчи, уларнинг ривожланиши ва ҳаётий фаолияти шароитларини таъминловчи ижтимоий муносабатлардир.

Факултатив объект сифатида бу ерда Ўзбекистон Республикасининг суверенитети, ташқи хавфсизлиги, обруйи хизмат қилади.
ЖКнинг 154¹-моддаси 1-қисмида назарда тутилган жиноят объектив томондан Ўзбекистон Республикаси фуқаросининг ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига киришда ифодаланади.
Кўрилаётган жиноятда хизматга кириш шахснинг Қуролли Кучлар таркибига, ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига аъзо бўлиши учун амалга оширилган саъй-ҳаракатлар тизимини билдиради.
ЖКнинг 154¹-моддаси 2-қисмида назарда тутилган жиноятнинг объектив томони Ўзбекистон Республикаси фуқаросини ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига ёллашда намоён бўлади.
Ўзбекистон Респуликаси фуқаросининг хорижий давлат хавфсизлик органларида полиция ва шу каби жойларда хизмат қилиши шартларини келишиш вақтидан бошлаб берилган жиноят тамомланган деб топилади.