Жиноят ҳУҚУҚИ (махсус қисм) маъруза: тинчлик ва инсоният хавфсизлигига қарши жиноятлар мавзу режаси: 1

ЖИНОЯТ ҲУҚУҚИ (МАХСУС ҚИСМ)
МАЪРУЗА: ТИНЧЛИК ВА ИНСОНИЯТ ХАВФСИЗЛИГИГА ҚАРШИ ЖИНОЯТЛАР
Мавзу режаси:
1. Урушни тарғиб қилиш.
2. Агрессия.
3. Урушнинг қонун ва удумларини бузиш.
4. Геноцид. Ёлланиш.
5. Чет эл давлатининг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириш, ёлланиш.
6. Терроризм.
7. Тайёрланаётган ёки содир этилган террорчилик ҳаракатлари тўғрисидаги маълумотлар ва фактларни хабар қилмаслик.
8. Террорчилик фаолиятини амалга ошириш мақсадида ўқувдан ўтиш, чиқиш ёки ҳаракатланиш.
9. Терроризмни молиялаштириш.
10. Миллий, ирқий ёки диний адоват қўзғатиш.


1. УРУШНИ ТАРҒИБ ҚИЛИШ
Мазкур жиноят объекти тинчликни саклаш, тинч-тотув яшаш, глобал халқаро ва регионал тщынашувларнинг олдини олишга ыаратилган ижтимоий муносабатлар ҳисобланади.
Жиноят объектив томондан урушни тарғиб қилиш, яъни бир мамлакатни иккинчи мамлакатга нисбатан қўзғатиш учун турли шаклдаги қарашлар, ғоялар ёки чақириқлар тарқатишда ифодаланади.
Жиноят субъектив томондан бир мамлакатнинг тажовуз қилишини келтириб чиқарадиган қарашлар, ғоялар ёки чакирикларни таркатишдан (яъни ҳар хил шакилда баён этишдан) иборат.
Урушни тарғиб қилиш – инсонларнинг онгига ва иродасига уларнинг бошқа суверен давлатга карши ҳарби ҳаракатлар олиб боришга ундаш, уриш элон қилиш заруратини тугдириш ва шундай истакни уйгатиш мақсадида таъсир қилиш деганидир.
Мазкур жиноятнинг субъекти ўн олти ёшга тўлган ақли расо жисмоний шахс ҳисобланади.
2. АГРЕССИЯ
Агрессиянинг бевосита объекти бўлиб, тинчлик ва тинч ҳаёт кечириш асосларини қўриқловчи ижтимоий муносабатлар ҳсобланади.
ЖК нинг 151-моддаси 1-қисмида назарда тутилган жиноят объектив томондан босқинчилик урушни режалаштириш ёки унга тайёргарлик кўриш, шунингдек шу ҳаракатларни амалга оширишга қаратилган фитнада катнашишида намоён бўлади.
ЖКнинг 151-моддаси 2-қисмида назарда тутилган жиноятнинг объектив томони агрессив урушни бошлаш ёки олиб боришда ифодаланади.