Jinoyat huquqi Kazus javoblari 1 kazus

Jinoyat tarkibi – muayyan ijtimoiy xavfli qilmishni jinoyat deb baholash uchun zarur bo‘lgan qilmishning obyektiv va subyektiv jihatlarning mavjudligidir. Shuni aytish lozimki, jinoiy javobgarlikka tortishning yagona asosi sifatida jinoyat tarkibi jinoyat qonuning markaziy elementi hisoblanadi. Jinoyat tarkibining jinoyat huquqi nazariyasida jinoyat tarkibi elementlari deb yuritiladigan obyektiv va subyektiv belgilarning to‘rt guruhidan tashkil topgan. Jinoyat tarkibi elementlari tushunchasi jinoyat tarkibining bir tomoniga xos bo‘lgan turdosh huquqiy belgilar guruhini anglatadi. Unga obyekt, obyektiv tomon, subyekt va subyektiv tomon kiradi.
Jinoyatning obyekti; o’zganing mulki yoki mulkiy huquqi
Jinoyatning predmeti 2000 AQSH dollari miqdoridagi pul


Jinoyatning obyektiv tomoni; Tovlamachilik, ya’ni jabrlanuvchi yoki uning yaqin kishilariga zo‘rlik ishlatish, mulkka shikast yetkazish yoki uni nobud qilish yoxud jabrlanuvchi uchun sir saqlanishi lozim bo‘lgan ma’lumotlarni oshkor qilish bilan qo‘rqitib o‘zgadan mulkni yoki mulkiy huquqni topshirishni, mulkiy manfaatlar berishni yoxud mulkiy yo‘sindagi harakatlar sodir etishni talab qilish yoxud jabrlanuvchini o‘z mulki yoki mulkka bo‘lgan huquqini berishga majbur qiladigan sharoitga solib qo‘yish.

• 
  tovlamachilik bir guruh shaxslar tomonidan oldindan til biriktirib sodir etilgan bo’lsa
  

Jinoyatning subyekti; Jinoyat sodir etgunga qadar belgilangan yoshga to‘lgan, aqli raso jismoniy shaxslar javobgarlikka tortiladi. Ushbu normaga muvofiq Militsiya inspektori M va uning jinoiy sheriklari R va B hamda E ismli shaxslar jinoyat ishida subyekt bo’ladi.
Jinoyatning subyektiv tomoni; Agar shaxs o‘z qilmishining ijtimoiy xavfli xususiyatini anglagan, uning ijtimoiy xavfli oqibatlariga ko‘zi yetgan va ularning yuz berishini istagan bo‘lsa, bunday jinoyat to‘g‘ri qasddan sodir etilgan deb topiladi. Yuqoridagi norma yuzasidan jinoyat ishi to’g’ri qasddan sodir etilgan.