Ájiniyaz atındaǵı Nókis mámleketlik pedagogikalıq institutı «Fizika-matematika» fakulteti Keńesiniń №3-sanlı májilisi protokolınan kóshirme

Ájiniyaz atındaǵı Nókis mámleketlik pedagogikalıq institutı
«Fizika-matematika» fakulteti Keńesiniń № 3-sanlı májilisi protokolınan kóshirme

Nókıs qalası 29-oktyabr2021-jıl

Qatnasqanlar: Fakultet keńesı aǵzaları hám professor oqıtıwshılar


KÚN TÁRTIBINDE:
Aǵımdaǵı másele. Fizika-matematika fakulteti Fizika hám astronomiyanı oqıtıw metodikası qánigeligi ziyrek talabası Barno Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıs etıw haqqında.
Tıńlandı: Fizika-matematika fakulteti dekanı R.Jiemuratov sózge shıǵıp, óz sózinde fakultetimizdiń “Fizika hám astronomiya oqıtıw metodikası” tálim baǵdarı 4-basqısh talabası Barno Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıwdı aytıp óttı. Ol oqıwǵa kirgen dáwirden baslap úlgılı hám ádeplı talaba sıpatında ózın kórsete aldı. Sonıń menen birge, jámiyetlik jumıslarda da belsendilik penen qatnasıp kelmekte. Atap aytsaq, 2019-jılı 21-mart kunı institutımızda keń tárizde nıshanlanǵan Nawrız bayramında jaqsı hawazı menen ózbek tilinde baslawshılıq qılıp televedeniye hám institut saytlarına shıqqan. Respublika hám xalıq-aralıq kólemde ótkerilip atırǵan bir qansha ilimiy-ámeliy konferenciyalarda da belsene qatnasıp kelmekte. Sonıń menen birge, fizika hám astronomiyanı oqıtıw metodikasi kafedrasındaǵı “Jas fizikler” dógeregınıń aǵzası esaplanadı. 2021-jıl 29-30-may kúnlerı Tashkent qalasında respublika kóleminde ótkerilgen “SMART MILLIY YOSHLAR FORUMI” ında belsene qatnasıp, “THE BEST PROJECT WORKER” nominaciyasın jeńıp alıwǵa miyassar boldı hám shólkemlestiriwshiler tárepinen arnawlı diplom penen sıylıqlandı. 2021-jıl 14-15-iyul kúnleri Qaraqalpaqstan Respublikasi Tórtkúl rayonında bolıp ótken “IT REVOLUTION” forumınıń “Robototexnika” baǵdarı boyınsha óz dóretiwshılıgı menen qatnasıp shólkemlestiriwshiler tárepinen arnawlı sáwǵalar hám sertifikat penen sıylıqlandı. Fizika-matematika fakulteti dekanı sıpatında bul ziyrek talaba qızımızǵa aldaǵı jumıslarında tabıs tileymen hám “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplayman.
Tıńlandı: Fizika-matematika fakulteti “Fizika hám astronomiya oqıtıw metodikası”tálim baǵdarı 4-basqısh talabası A.Izbastiyev: oqıw jılı dawamında pánlerden jaqsı bahalarǵa oqıp kelmektemen. Respublika hám xalıq-aralıq kólemde ótkerilip atırǵan bir qansha ilimiy konferenciyalarda ilimiy basshım texnika ilimleri kandidatı, docent S.Ashirbekova penen birgelikte tezis hám ilimiy maqalalarım menen qatnasıp kelmektemen. Meni “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep bilgenińiz ushın júda quwanıshlıman hám isenimińizdi aqlawǵa háreket etemen.
Sózge shıqtı: Fizika-matematika fakulteti fizika hám astronomiya oqıtıw metodikası kafedrası baslıǵı A.Kamalov sózge shıǵıp, ziyrek talaba B.Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw máselesinde óz pikirlerin bildirdi. Bul qızımızdıń aldaǵı jumıslarında hám oqıwlarında tabıslar tilep, “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplaymız.


Fakultet keńesi qarar etedi:

1. 
   Fizika-matematika fakulteti dekani R.Jiemuratov ziyrek talaba A.Izbastiyevtı“Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw haqqında bergen bayanatın orınlaw hám maǵlıwmat ushın qabıl etilsin.
   

2. 
   Fizika-matematika fakulteti Fizika hám astronomiya oqıtıw metodikası tálim baǵdarı 4-basqısh talabası A.Izbastiyev“Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep tabılsın.
   

Keńes baslıǵı: R.Jiemuratov
Xatker: D.Bektursınova