Ájiniyaz atındaǵı Nókis mámleketlik pedagogikalıq institutı 5110200-Fizika hám astronomiya oqıtıw metodikası kafedrasınıń gezektegi №3-sanlı májilisiniń protokolınan kóshirme

Ájiniyaz atındaǵı Nókis mámleketlik pedagogikalıq institutı 5110200-Fizika hám astronomiya oqıtıw metodikası kafedrasınıń gezektegi № 3-sanlı májilisiniń protokolınan kóshirme
29-oktyabr 2021-jıl. Nókis qalası
Qatnasqanlar: Kafedra baslıǵı: A.Kamalov,
kafedra pedagog xizmetkerleri-12


KÚN TÁRTIBINDE:
Aǵımdaǵılar. Kafedra ziyrek talabası Barno Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw haqqında.
Tıńlandı: Kafedra baslıǵı A.Kamalov sózge shıǵıp, óz sózinde fakultetimizdiń “Fizika hám astronomiya oqıtıw metodikası” tálim baǵdarı 4-basqısh talabası Barno Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıwdı aytıp óttı. B.Muratbaeva oqıw jılı dawamında “5” bahasına oqıp kelmekte. Bul talaba qızımız oqıwǵa kirgen dáwırlerden baslap óziniń bilimi, talapshańlıǵı, shaqqanlıǵı, jámiyetlik jumıslarda belsendiligi menen ajıralıp óz ustazlarınıń dıqqat ıtıbarına erisip kelmekte. Respublika hám xalıq-aralıq kólemde ótkerilip atırǵan bir qansha ilimiy-ámeliy konferenciyalarda da belsene qatnasıp kelmekte. Sonıń menen birge, kafedramızdaǵı “Jas fizikler” dógeregınıń aǵzası esaplanadı.
Muratbaeva Barno bilimde hámde shaqqanlıq talap etetuǵın hár bir jumısta ózin kórsete aladı hám ǵayrat penen háreket qıladı. Onıń bugıngı kúnde 20 dan aslam ilimiy maqala hám tezislerı Rossiya, Daniya, Germaniya, Polsha, Amerika hám Ózbekstan jurnallarında baspadan shıǵarıldı. 2019-jılı 17-18-oktyabr kúnleri institutimizda bolıp otken ilimiy-ámeliy konferenciyada óz bayanatı menen qatnasqanlıǵı ushın arnawlı sertifikat penen sıylıqlanǵan. 2019-jılı 21-mart kunı institutımızda keń tárizde nıshanlanǵan Nawrız bayramında jaqsı hawazı menen ózbek tilinde baslawshılıq qılıp televedeniye hám institut saytlarına shıqqan. 2021-jıl 23-26-mart kúnlerı aralıǵında bolıp ótken “International forum solidarity forum for Afghanistan and Uzbekistan youth” forumınıń “Leaders of the future” baǵdarı boyınsha qatnasıp minnetdarshılıq xatı hám sertifikat menen sıylıqlandı. 2021-jıl 29-30-may kúnlerı Tashkent qalasında respublika kóleminde ótkerilgen “SMART MILLIY YOSHLAR FORUMI” ında belsene qatnasıp, “THE BEST PROJECT WORKER” nominaciyasın jeńıp alıwǵa miyassar boldı hám shólkemlestiriwshiler tárepinen arnawlı diplom penen sıylıqlandı. Sonıń menen birge, 2021-jıl 14-15-iyul kúnleri Qaraqalpaqstan Respublikasi Tórtkúl rayonında bolıp ótken “IT REVOLUTION” forumınıń “Robototexnika” baǵdarı boyınsha óz dóretiwshılıgı menen qatnasıp shólkemlestiriwshiler tárepinen arnawlı sáwǵalar hám sertifikat penen sıylıqlandı. Kafedra baslıǵı sıpatında bul qızımızǵa aldaǵı jumıslarında tabıs tileymen hám “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplayman.
Tıńlandı: Fizika-matematika fakulteti “Fizika hám astronomiya oqıtıw metodikası” tálim baǵdarı 4-basqısh talabası B.Muratbaeva: oqıw jılı dawamında pánlerden jaqsı bahalarǵa oqıp kelmektemen. Respublika hám xalıq-aralıq kólemde ótkerilip atırǵan bir qansha ilimiy konferenciyalarda ilimiy basshım texnika ilimleri kandidatı, docent S.Ashirbekova penen birgelikte tezis hám ilimiy maqalalarım menen qatnasıp sertifikatlar menen sıylıqlandım, hátteki ilimiy maqalalarım xalıq-aralıq bazalarda indeksaciya qılınǵan Daniyanıń “Pedagogical sciences and teaching methods” jurnalında sonday-aq, Ózbekstan, Germaniya, Rossiya, Polsha, jurnallarında maqalalarım jariyalandı. Fakultetimizdiń jámiyetlik jumıslarına belsene qatnasıp kelmektemen. Meni “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep bilgenińiz ushın júda quwanıshlıman hám isenimińizdi aqlawǵa háreket etemen.
Sózge shıqtı: Fizika hám astronomiya oqıtıw metodikası kafedrası docentı S.Ashirbekova, docent B.Atashovlar sózge shıǵıp, ziyrek talaba B.Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw máselesinde óz pikirlerin bildirdi. B.Muratbaeva tuwrı sózlılıgı, óziniń ziyrekligi, shaqqanlıǵı hámde bilimi menen teńleslerı arasında ajıralıp turadı. Bul qızımızdıń aldaǵı jumıslarında hám oqıwlarında tabıslar tilep, “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplaymız.
Kún tártibindegi másele boyınsha qarar qabıl etildi.
Qarar:

1. 
   Kafedra baslıǵı A.Kamalov ziyrek talab B.Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw haqqında bergen bayanatın orınlaw hám maǵlıwmat ushın qabıl etilsin.
   
2. 
   Fizika hám astronomiya oqıtıw metodikası tálim baǵdarı 4-basqısh talabası B.Muratbaeva “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep tabılsın.
   
3. 
   Fizika hám astronomiya oqıtıw metodikası tálim baǵdarı 4-basqısh talabası B.Muratbaevanı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıqlıǵı haqqında kafedra sheshimin tastiyiqlaw ushın fakultet hám institut Ilimiy Keńesinen kórıp shıǵıw soralsın.
   

Fizika hám astronomiya oqıtıw
metodikası kafedrası baslıǵı: A.Kamalov
Xatker: T.Oteev