Ájiniyaz atindaǵi Nókis mámleketlik

4-súwret. Pıshqınıń túrleri: a) múyeshli pıshqı; á) jarǵı; b) pıshqı.
Qol pıshqılarınıń múyeshli pıshqı, burama oq pıshqı dep atalatuǵın túrleri de bar.
Múyeshli pıshqılardıń denesi juqa bolıp, tar iz payda etiw arqalı anıq pıshqılaw jumısların orınlaw ushın xizmet etedi. Sonıń menen birge pıshqılaw ushın azlaw kúsh sarıplaw imkaniyatın beredi. Olardı paydalanıw waqtında juqa denesin qattı etip tartıw ushın arnawlı qurılmadan paydalanıladı. Úskenege ornatılǵan múyeshli pıshqınıń dúzilisi pıshqı denesi, 2 qulaq, 2 uslaǵısh, 1 kergi jińishke jip (shnur) hám buraw tayaqshasınan ibarat.
Bul pıshqını paydalanıw waqtında denesin tartıp tutıp turıw ushın jińishke jiptiń arasınan ótkizilgen buraw tayaqshasın aylandırıp jińishke jipti tartıw kerek. Múyesh pıshqılar kashaklı pıshqı, oq pıshqı dep te ataladı.
Buralma oq pıshqılar taǵa tárizli tutqıshqa bekkemlenedi. Olar juqa ensiz hám kelte pıshqı denesinen ibarat ıqsham qol pıshqısı bolıp, faner, juqa taxtay hám basqa materiallardan formalı buyımlar soǵıw ushın paydalanıladı. Bunday pıshqılar denesiniń qalıńlıǵı 0,6-1,25 mm eni 2-10 mm, uzınlıǵı 200-350 mm ge shekem boladı. Buralma pıshqılar lobzik yamasa qıl pıshqılar dep te ataladı.
Jarǵı aǵashtıń kespelteklerin 2 adam bolıp kesiw ushın paydalanıladı. Bul jarǵılardıń denesi uzın hám keń bolıp, onıń eki ushına aǵash saplar ornatıladı. Saplarınıń kósher sızıǵı pıshqı denesi menen bir dey tegislikte boladı. Jarǵı juwan aǵashlardan eki adam bolıp taxtaydı kesiwde paydalanıladı. Bul jarǵıdan paydalanıwda aǵashtıń taxtay kesiw shilerdiń birewi onıń astında hám ekinshisi ústinde turıp jarǵılawları ushın arnawlı islengen jerge bekkemlenedi. Jarǵınıń uslaǵıshları onıń denesiniń tegisligin eki qaptalına tik shıǵıp turatuǵın jaǵdayda ornatıladı.
Pıshqılar wazıypasına qaray kesiwsh, tiliwshi pıshqılarǵa bólinedi. Bul pıshqılar bir-birinen tisleriniń forması menen ózgeshelenedi.
Kesiwshi pıshqılar aǵashtı kesesine kesiw ushın paydalanıladı. Olardıń tisleri teń yamasa úshmúyesh formada bolıp, olar pıshqı denesiniń dawamınan ótkir ushları sırtqa tikke baǵdarlanǵan formada shıǵarıladı.
Tiliwshi pıshqılar aǵashtı uzınına pıshqılap tiliw ushın qollanıladı. Olardin tisi ótkir múyeshli bolıp, olar pıshqı de nesinde uzınına tikke baǵdarlanǵan ushmúyshalik formasında shıǵarıladı.