Йиллар учун ж а м о а ш а р т н о м а с и

8.14. Муассасани қиш мавсумида ишлашга тайёрлаш билан боғлиқ барча тадбирларни 1 октябргача бажаради.
Касаба уюшма қўмитасининг мажбуриятлари.
8.15. Меҳнатни муҳофаза қилиш бўйича комиссияси таркибини тасдиқлайди, фаоллар ўқувини ўтказади (ўқитиш муддати ва дастури кўрсатилган ҳолда).
8.16. Меҳнат хавфсизлиги стандартларига қатъий ва аниқ амал қилиш устидан назоратни олиб бориш муассасанинг меҳнат муҳофазаси хизмати ёки раҳбарлардан бирининг зиммасига юклатилишини назорат қилади.
8.17. Жамоа шартномасининг меҳнатни муҳофаза қилиш бўлими ва унинг меҳнат муҳофазаси бўйича битими лойиҳаларига таклифларни тўплайди ва уларни меҳнат жамоалари мажлисларида муҳокама этилишини ташкил қилади.
8.18. МКнинг 214-моддаси асосида ССВнинг 2012 йил 10 июлдаги 200-сонли буйруғи билан белгиланган тартибда меҳнат шароити ноқулай ишлар бажарилаётганида даслабки ва вақти-вақти билан тиббий кўрикдан ўтказилиш шарт бўлган ходимлар рўйҳатини тартибнинг 4 иловаси шаклида ишлаб чиқишни ҳамда тиббий кўрикдан ўтишда ходимлар чиқимдор бўлмаслигини назорат қилади.
8.19. Меҳнат муҳофазаси вакиллари ва комиссияси аъзолари ёрдамида инженер-техник, тиббиёт ходимларнинг меҳнат муҳофазаси қоида ва йўриқномалар талабларига қандай амал қилаётганлиги устидан доимий назорат ўрнатади;
8.20. Ходимларга бепул берилган махсус кийим(тиббий халат, комбенизон,қалпоқ, рўмол), пойабзал ва бошқа шахсий ҳимоя воситаларининг бутунлиги, ишга яроқлилиги ва ходимлар улардан албатта фойдаланишларини назорат қилади.
8.21. Меҳнат муҳофазаси бўйича вакил ва комиссия томонидан ўтказилган текширув натижаси юзасидан бўлим, бўлинма бошлиқларига берилган таклифларини ўз вақтида бажарилишини доимий назорат қилади ҳамда вакил, комиссия таклифларини бажармаган жавобгар шахсларга нисбатан жазолар қўлланишини назорат қилади.
8.22. Касаба уюшма қўмитасининг мажлисида жамоа шартномасининг меҳнатни муҳофаза қилиш бўйича битими бажарилиши ва меҳнат муҳофазаси ҳолати муҳокама қилинишини назорат қилади.
8.23. Хар беш йилда камида бир марта “Иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан аттестациядан ўтказиш тартиби тўғрисида”ги низоми (Ўз.Рес.ВМнинг 2014 йил 15 сентябрдаги 263-сонли қарори) асосида иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан шаҳодат (аттестация)дан ўтказилишини назорат қилади.