Jild (titul) varog’i

KIRISh

O’zbekiston Respublikasi Oliy va o’rta maxsus ta’lim vazirligining 2009-yil 22-may № 160 sonli buyrug’i bilan tasdiqlangan “O’zbekiston Respublikasi Oliy ta’lim muassasalari bitiruvchilarining yakuniy davlat attestatsiyasi to’g’risidagi Nizom”da Yakuniy Davlat attestatsiyasi bir yoki bir nechta attestatsiyalardan iborat bo’lishi ko’rsatilib, bitiruvchi talaba bitiruv malakaviy ishini himoya qilishi qayd etilgan. Bitiruv malakaviy ishi (BMI) ga qo’yiladigan umumiy talablar O’zbekiston Respublikasi Oliy va o’rta maxsus ta’lim vazirligining 2010 yil 9 iyundagi 225-sonli buyrug’i bilan tasdiqlangan “Oliy ta’lim muassasalarida bakalavrlarning bitiruv malakaviy ishini bajarishga qo’yiladigan talablar” asosida ishlab chiqilgan.

Nizomiy nomidagi TDPU Ilmiy kengashining 1999 yil 28 yanvar 3-sonli bayonnomasi bilan tasdiqlangan “Universitetda bakalavr bitiruv malakaviy ishni bajarish tartiblari to’g’risidagi Nizom” da BMI ni bajarish tartibi, mavzu tanlash, BMI bo’yicha topshiriqlar berish, ishga rahbarlik qilish, ishni himoya qilish qoidalari yoritilgan.

Ushbu metodik ko’rsatma yuqoridagi Nizom asosida ishlab chiqilgan bo’lib, undan asosiy maqsad bitiruvchilarni BMI ni bajarishda rioya qilishi kerak bo’lgan qoidalar va me’yorlar bilan tanishtirishdir.

Metodik ko’rsatmada BMI ni tuzilishi, adabiyotlar tahlilida foydalanilgan adabiyotlarni qayd etish tartiblari, jadval va chizmalarga qo’yiladigan asosiy talablar, mualliflik annotatsiyasini yozish, ishni rasmiylashtirish qoidalari keltirilgan.

Ushbu metodik ko’rsatma talabalar ixtisoslik bo’yicha BMI larni himoya qilish, Nizomlarida keltirilgan talablar asosida sifatli qilib bajarishlariga yaqindan yordam beradi degan umiddamiz.

Fakultetlarda bajarilayotgan BMI larda materiallar quyidagi ketma-ketligida joylashtiriladi:

• 
  Jild (titul) varog’i
  
• 
  Mundarija
  
• 
  Kirish
  
• 
  Adabiyotlar tahlili
  
• 
  Tanlangan ob’ektlar (qo’yilgan masala va muammolar) va tadqiqot usullari
  
• 
  Asosiy qism boblari (olingan natijalar va ularning muhokamasi)
  
• 
  Xulosa va tavsiyalar
  
• 
  Foydalanilgan adabiyotlar ro’yxati.