Jean – Paul Roux “Tamerlan” Parij 1994

2

Birinchi epizod birinchi sahna

Temur taxti uning chap yonida mulozimlar o’zaro muhokamada turgan payt.

Eshikog’aboshi: Yetti iqlim hukmdori, zafarlari bardavom sohibi davlat, sohibqiron kelmishlar.

Nog’ara sadolari eshitildi.

Temur ortida 2 nafar xalfa va undan keyin 2 sarkarda o’ng qo’lda shayxulislom kirib keldi. Temir taxtiga o’tirdi. Ikki xalfa yon tarafdan, shayxulislom o’ng tarafdan, sarkardalar, vazirdan keyin joylashdilar.

Temur: Alloh nomi ila davlati oliyaning bugungi mashvaratini boshlaymiz.

Vazir: Hukmdorimiz sohibqiron To’xtamish va Boyazid ustidan qozonilgan va boshqa davomli g’alabalari xususinda tabriklar hali hamon kelmoqda.

Temur: Bizning ishdagi azim va qat’iyligimiz dovrug’ini biladilar hamda maqsad rejalarni niyohasiga yetkazish yo’lidagi matonatimiz buyukligini tan oladilar. Mardlarni xoh u sulton bo’lsin, xoh oddiy inson, maydonga jalb qiluvchi narsa, (o’rnidan turib yurgan holda gapirdi) g’ayrat, hamiyat ekanligini donolar biladi. Podsholarning o’zini katta xavf-hatarga urib cherik tortmoq va mamlakatni zabt etmoqdan asl maqsad faqat mol-dunyo yig’ish va boylik orttirish emas, balki or-nomus e’tibori va yaxshi nom qoldirishdan iborat.

3

Dunyoning barcha ishi nomus va nom uchundir

Bo’lmasa yarimta non bilan ham kun o’tadi.