Жавоблар ўзбекистон тарихининг фан сифатидаги ўрни

5-давр
190.Ўзбекистонда Президентлик лавозимининг таъсис этилиши (I.A.Karimovning «O’zbekiston mustaqillikka erishish ostonasida» kitobi asosida) (O’zlikni anglash, Oliy Kengash, Prezidentlik boshqaruvi, mustaqillik sari dastlabki qadamlar) Ўзбекистон Президенти И.А.Каримов КПСС Марказий Комитетининг 1990 йил февраль ва март пленумларининг якунлари ҳамда КПСС XXVIII съездига ва Ўзбекистон Компартияси XXII съездига тайёргарлик кўриш юзасидан республика партия ташкилотларининг вазифалари тўғрисида қилган маърузасида таъкидлаганидек, “энг муҳими шундан иборатки, Президент институтининг жорий этилиши – республикамиз учун суверенитет ва давлатчиликда принцип жиҳатдан янги босқичга ўтилишини билдиради”. Ислом Каримов ўн иккинчи чақириқ ЎзССР Олий Советининг 1990 йил 24 мартда бўлиб ўтган биринчи сессиясида сўзланган нутқда ҳам Президент бошқарувининг жорий этилиши ҳаёт тақозоси эканлигини уқтириб, бундай деган эди: “Президент бошқарувини ҳаётнинг ўзи, қайта қуришнинг мантиқи, моҳияти, унинг мураккаб ва зиддиятли жараёнлари тақозо этаяпти”. Ўзбекистон давлат мустақиллигига эришгач, мамлакатда давлатни идора этишнинг замонавий ва самарали шакли – президентлик тизими қарор топа бошлади. Дунё давлатчилиги тараққиётида давлат бошқарувининг асосан икки шакли – монархия ва республика шакллари мавжуд. Республика, ўз навбатида, парламентар республика ва президентлик республикаси кўринишларига эга. Президентлик республикаси ҳозирги кунда энг кўп тарқалган давлат бошқаруви шаклидир. БМТга аъзо 192 давлатдан 142 тасида Президент лавозими мавжуд бўлиб, уларнинг аксарияти президентлик республикасидир.Ўзбекистон халқининг манфаатларини кўзлаб И.А.Каримов ташаббуси билан амалга оширилган дастлабки тадбирларнинг ўзиёқ президентлик бошқарувининг ўз вақтида таъсис этилганлигидан далолат беради. 1990 йил 20 июнда республика Олий Совети томонидан қабул қилинган “Мустақиллик Декларацияси” ана шундай тадбирлардан эди. Ўн иккинчи чақириқ ЎзССР Олий Советининг иккинчи сессиясида қабул қилинган ва жиддий аҳамиятига молик бўлган мазкур ҳужжат депутатлар томонидан моддама-модда, бандма-банд муҳокама қилинди. “Мустақиллик Декларацияси”нинг кириш қисмида Ўзбекистоннинг давлат қурилишидаги тарихий тажрибаси ва таркиб топган анъаналари, ҳар бир миллат ўз тақдирини ўзи белгилаш ҳуқуқига эга эканлиги таъкидланди. “Мустақиллик Декларацияси” Ўзбекистоннинг мустақилликка эришишида қўйилган навбатдаги муҳим одимлардан бири бўлди.