Javobgar B. T. Soxibovdan da'vo talabining alimentga doir qismi uchun 288000miqdorda davlat boji undirilsin

1-variant

Da'vogar voyaga yetmagan 17 yoshli Z.SH.Atoeva sudga javobgar B.T.Soxibovga nisbatan nikohdan ajratish haqidagi da'vo arizasi bilan murojaat etib, BHMning 1 baravari miqdorida davlat boji to'lagan. Sud da'vo arizasini FPKning 195-moddasi 1-qism 1-bandiga muvofiq ariza muomalaga layoqatsiz shaxs tomonidan berilganligiga asosan qaytardi. Oradan biroz muddat o'tib Z.SH.Atoeva nomidan uning onasi H.B.Atoeva BHMning 1 baravari miqdorida davlat boji to'lab, da'vo arizasi kiritdi. Sud da'vo arizasini FPKning 195-moddasi 1-qism 2-bandiga manfaatdor shaxs nomidan berilgan ariza ish yuritish vakolatiga ega bo'lmagan shaxs tomonidan berilganligiga asosan qaytardi. Oradan ma'lum vaqt o'tgach Z.SH.Atoeva 18 yoshga to'ldi va BHMning 1 baravari miqdorida davlat boji to'lab, sudga yana davo arizasi bilan murojaat qildi.

Da'vogar sudga javobgar bilan 2 oy birga yashaganini, 2 oydan so'ng turmush o'rtog'ining shar'iy nikohdagi ayoli va 1 nafar farzandi borligini bilib qolganligini, hozirda 6 oylik homilasi borligini ma'lum qilib, o'zining da'vo arizasini qanoatlantirishni, javobgarning homiladorlik davri va bolasi 3 yoshga to'lguniga qadar aliment to'lashini so'radi. Sud da'vogarning da'vosini qanoatlantirishni lozim deb topdi va hal qiluv qarorining xulosa qismida quyidagilarni bayon etdi:

Da'vogar Z.SH.Atoeva va javobgar B.T.Soxibov o'rtasida 16.09.2020 yilda Toshkent shahar «Navro'z nikoh uyi»da 1106-sonli dalolatnoma yozuvi bilan qayd etilgan nikohdan ajratilsinlar.

Javobgar B.T.Soxibov da'vogar Z.SH.Atoevaga homiladorlik davri va bolasi 3 yoshga to'lguniga qadar har oy 200000so'm miqdorida aliment to'lashi belgilansin.

Javobgar B.T.Soxibovdan da'vo talabining alimentga doir qismi uchun 288000miqdorda davlat boji undirilsin.

Nikohdan ajratish haqida guvohnoma berilayotganda javobgar B.T.Soxibovdan BHMning uch baravari miqdorida davlat boji undirilsin.

Hal qiluv qaroriga nisbatan u qabul qilingan kundan e'tiboran bir oy ichida Toshkent shahar sudi fuqarolik ishlari bo'yicha sudlov hay'atiga apellyatsiya shikoyati (protesti) berilishi mumkin.

Vaziyatga huquqiy baho bering. Sudning xatti-harakatlarini tahlil qiling.