Jasurbek Xasanboyev Elon Mask biznesining swot tahlili

Jasurbek Xasanboyev
Elon Mask biznesining SWOT tahlili
Tesla – bu innovatsion kompaniya: u avtopilot texnologiyasini, sun’iy intellektni ishlab chiqadi, elektromobillar uchun rekord stavkalarni o‘rnatadi va o‘z avtomobillarini ko‘rgazma zallarida emas, balki veb-sayt orqali sotadi. Ammo, shu bilan birga, korxonalar har yili tadqiqotlarga millionlab dollar sarflaydilar va shu orqali yangilik uchun qarzga botadilar.
Va Tesla’ning mavqei har qachongidan ham kuchliroq bo‘lsa-da, kompaniya o‘zining zaif tomonlari va tashqi tahdidlarini e’tiborsiz qoldirolmaydi.
SWOT tahlilidan foydalanib, biz Tesla’ning biznesini molekulalarga ajratamiz va Elon Mask nimadan qo‘rqishi va o‘zini qayerda mustahkamlashi kerakligini bilib olamiz.
Kuchli tomonlar – Tesla’ning kuchli tomonlari nimada
1.Brendning nomi
Tesla o‘z sohasida elektr kashshoflari. Agar siz yo‘lovchidan qanday elektromobilni bilishini so‘rasangiz, ehtimol “Tesla” deb javob beradi. Kompaniyaning shunchalik kuchli brendi borki, uning raqobatchilardan ustun bo‘lishi uchun uning nomi kifoya.
2.Innovatsionlik
Tesla avtomobillari yuqori texnologiyali. Tarixdagi eng tez ishlab chiqariladigan mashina – Tesla S Plaid elektromobillar uchun bitta zaryad bilan 837 km masofani bosib o‘tib, 2,1 soniyadan kamroq vaqt ichida 100 km tezlikka erisha oladi.
Va agar raqobatchilar hali ham bu ko‘rsatkichlarga erishishga harakat qilsalar, sun’iy intellekt va Tesla’ning avtopiloti erishib bo‘lmaydigan cho‘qqisi, ya’ni kompaniyaning asosiy tramp kartasi bo‘lib qoladi.
3.Biznes modeli
Boshqa avtomobil ishlab chiqaruvchilardan farqli o‘laroq, Tesla avtosalonlarning ko‘pini yopdi, qolganlari ko‘rgazma zallari sifatida qayta formatlandi.
Siz mashinani rasmiy veb-sayt orqali sotib olishingiz mumkin, bu yerda xaridorlar uning konfiguratsiyasini o‘zi tanlaydilar. Bu biznes-model Tesla’ning xarajatlarini kamaytirishga imkon berdi.
Bundan tashqari, kompaniya mijozlarga juda e’tibor qaratadi. Ularning yondashuvi mijoz uchun qo‘shimcha qiymat yaratishdir. Masalan, ular dasturiy ta’minotni yangilash orqali sotilgan mashinalarini doimiy ravishda takomillashtirib borishadi – va ular buni bepul qilishadi.
Bundan tashqari, Tesla’ning mobil texniklari bor, agar u mashinada muammoga duch kelsa, mijozning manziliga tashrif buyuradi. Model S egalari tarmoq orqali ma’lumotlarni almashishlari mumkin – va texniklar muammolarni hatto masofadan turib ham bartaraf etishlari mumkin.