ЙAssalomu alaykum hurmatli hamkasblar. Barchangizni mustaqilligimizning 30 yillik shodiyonasi bilan muborakbod etaman. Barchangizga yangi yilida kuch quvvat mustahkam iroda tilayman

йAssalomu alaykum hurmatli hamkasblar. Barchangizni mustaqilligimizning 30 yillik shodiyonasi bilan muborakbod etaman.Barchangizga yangi yilida kuch quvvat mustahkam iroda tilayman. Ma'lumki, Avgust Kengashlari yangi o‘quv yiliga tayyorgarlik ko‘rish, o‘quv dasturlari, darsliklardagi o‘zgarishlarni, yangi o‘quv yilida tizim oldida turgan ustuvor vazifalarni tizim xodimlariga yetkazish borasida muhim ahamiyatga ega.

Hozirgi vaqtda mamlakatimizda jahon ta'lim makoniga kirib borishga mo‘ljallangan yangi ta'lim tizimini shakllantirish jarayoni kechmoqda.

Ta'lim mazmun-mohiyatining o‘zgarayotganligi, ta'lim berish jarayoniga zamonaviy yondashuvlar hamda xalqaro tajribalarni joriy etish taklif etilayotgan bir davrda ta'lim berishga pedagogik munosabat ham o‘zgarishi lozim.

O‘zbekiston Respublikasi Prezidentining 2019 yil 29 apreldagi “O‘zbekiston Respublikasi Xalq ta'limi tizimini 2030 yilgacha rivojlantirish konsepsiyasini tasdiqlash to‘g‘risida"gi PF-5712-son Farmoni bu boradagi islohotlar uchun dasturulamal hisoblanadi.

Avgust kengashlarining maqsadi yangi 2021-2022 o‘quv yili oldidan ta'lim tizimida amalga oshirilayotgan keng qamrovli islohotlar va ta'lim mazmunidagi o‘zgarishlar mazmun-mohiyatini pedagoglarga yetkazish, yoshlarda axborot texnologiyalaridan foydalanish ko‘nikmalarini rivojlantirish, kitobxonlikni targ‘ib qilish, shuningdek, xalq ta'limi tizimini 2030 yilgacha rivojlantirish Konsepsiyasida belgilangan vazifalarni bajarishda ta'lim muassasalari rahbarlari va pedagoglari oldida turgan vazifalarni belgilab olishdan iboratdir .