Жас ҳӘм педагогикалық психология өзбекстан республикасы Жоқары ҳәм орта анраўлы билимлендириў ўәзирлиги Жоқары педагогикалық оқыў орынлары ушын оқыў қолланба

Oylawdıń óz-ózin basqarıwdıń tiykarǵı usılları tómendegiler:

- sheshiliwi kerek bolǵan wazıypa shártlerin dıqqat penen analizlew;

- talap etilgen nátiyjeni berilgen shártler menen salıstırıw, bunday maqset kerekli nátiyjeni alıw ushın jetispegen nárseni anıqlaw;

- turaqlı tórde shınıǵıw ótkerip barıw, oylawdı shınıqtırıw;

- oylawdı anıq baǵdardaǵı shınıǵıwlar menen shınıqtırıp barıw, yaǵnıy izbe-iz izleniw hám jeterli dárejede sheshiliwdiń alternativ jolların kórip shıǵıw wazıypasın sheshiwdiń jolları menen baylanıslı bolǵan anıq gipotezalardı óz ishinde yaki dawıs shıǵarıp sóylew.

- o`zin-ózi emotsionallıq jaqtan basqarıw organizmniń muskul toqımaları sistemasın basqara alıw qábiletine tiykarlanǵan emotsiogen jaǵdaylardı analizlep, oylawdı sanalı túrde aktiv qatnastırıw.

Házirgi zaman mektebi oqıtıwshı shaxsı hám kásiplik xızmeti ushın zárúr bolǵan sıpat hám pazıyletlerdi iyelegen, jańasha pikirleytuǵın, sotsiallıq jaqtan aktiv pedagoglardı talap etpekte.

Oqıtıwshınıń jeke hám kásiplik tayarlıq dárejesi qanshelli joqarı bolsa, oqıwshılar menen tálim-tárbiyalıq qatnaslardı jaqsı jolǵa qoya aladı. Oqıtıwshınıń jeke úlgisi hám abıroy-itibarı tálim-tárbiya protsessinde balada turaqlı kóz-qarastı qáliplestiriwde tiykarǵı roldi oynaydı.