Janubiy amerika materigini tabiiy geografik rayonlashtirish. Sharq t. G. R gviana yassi tog’ligi va gviana pastekisligi va brazilya yassi tog’ligi o’lkalariga tavsif

Gviana yassi tog‘ligi va Gviana pastekisligi. Bu tabiiy geografik o‘lka materikning shimoli-sharqiy qismida joylashgan bo‘lib, ikkita yirik rel’ef komponentidan – yassi tog‘lik va pastekislik majmuasidan tarkib topgan. Gviana pastekisligi o‘lkani shimoli-sharqiy qismini, Atlantika okeani qirg‘oqbo‘yi pastekisliklarini egallagan. Pastekislik Atlantika okeani tomonidan Gviana yassi tog‘ligiga tomonasta-sekin ko‘tarilib boradi.

Gviana pastekisligi o‘rmonlarga boy. Atlantika okeani sohillarida mangra o‘rmonlari yaxshi rivojlangan. Qolgan qismi nam tropik o‘rmon va savannalar bilan band. Mangra o‘rmonlari tagida botqoq tuproqlar, tropik o‘rmonlar va savannalarda qizil-laterit tuproqlar ko‘pchilikni tashkil qiladi. Maroni va Oyapoki daryolari havzalari qimmatbaho yog‘och beradigan qizil, pushti, muskat, mant kabi daraxtlardan iborat sernam tropik o‘rmonlar bilan qoplangan. Qishloq xo‘jaligida shakarqamish, kofe, kakao, banan, makkajo‘xori, sholi va boshqa ekinlar yetishtiriladi.