Janubiy amerika materigini tabiiy geografik rayonlashtirish. Sharq t. G. R gviana yassi tog’ligi va gviana pastekisligi va brazilya yassi tog’ligi o’lkalariga tavsif

JANUBIY AMERIKA MATERIGINI TABIIY GEOGRAFIK RAYONLASHTIRISH. SHARQ T.G.R GVIANA YASSI TOG’LIGI VA GVIANA PASTEKISLIGI VA BRAZILYA YASSI TOG’LIGI O’LKALARIGA TAVSIF

MUNDAREJA

KIRISH

• JANUBIY AMERIKA SHARQ T.G.R HAQIDA UMMUMIY MA’lUMOT
• GVIANA YASSI TOG’LIGI VA GVIANA PASTEKISLIGINING O’ZIGA XOS XUSUSIYATLARI
• BRAZILIYA YASSI TOG’LIGI O’lKASI HAQIDA

XULOSA

FOYDALANILGAN ADABIYOTLAR

KIRISH:

• Janubiy Amerika maydoning kattaligi jihatidan materiklar orasida to'rtinchi o'rinda turadi. Materikning katta qismi janubiy yarimsharda joylashgan. Uning shimoliy qismidan ekvator kesib o'tadi. Shimoldan janubga 7000 km, g'arbdan sharqqa 5000 km cho'zilgan. Janubiy Amerikaning eng keng joyi 5150 km, tor joyi 600 km.dan oshmaydi.. Dunyodagi eng sersuv daryosi, eng baland va eng keng sharsharasi, eng katta iloni, eng mitti «odamxo‘r» balig‘i, eng uzun tog‘i, eng katta daryo havzasi, eng balandda joylashgan chuchuk suvli katta ko‘li, eng baland harakatdagi vulqoni, eng qalin Amazoniya o‘rmonlari - «sayyoramiz o‘pkasi» bor. Eng sernam materik.

Janubiy Amerikaning orografik tuzilishi Shimoliy Amerikaga o‘xshash bo‘lib, uning g‘arbiy Tinch okean sohili meridian bo‘ylab cho‘zilgan And tog‘i tizimi bilan band. Materikning sharqiy katta qismi keng maydonlarni egallagan, mustaqil orotektonik strukturaga ega bo‘lgan pastekisliklardan va yassi tog‘liklardan iborat. Landshaft majmualari And tog‘ tizimida kenglik va balandlik bo‘ylab o‘zgarib borsa, pastekisliklarda va yassi tog‘liklarda kenglik hamda qisman meridianal yo‘nalishda o‘zgarib boradi. Shuning uchun Janubiy Amerika orotektonik tuzilishi va landshaft majmualarining zonal hamda vertikal differensiasiyalanishiga ko‘ra ikkita yirik qismga – pastekislik va yassi tog‘lik tabiiy geografik o‘lkalardan tarkib topgan sharqiy qismga yoki Andiz Sharqqa va baland zonal tog‘li tabiiy geografik o‘lkalardan tarkib topgan g‘arbiy qismga yoki Andli G‘arbga bo‘linadi.

Janubiy Amerikaning sharqiy qismi yer yuzasining morfologik tuzilishi, orotektonik xususiyatlari hamda yirik landshaft majmualarining ichki va tashki farqlariga ko‘ra bir necha pastekislik va yassi tog‘lik tabiiy geografik o‘lkalariga bo‘linadi. Bular shimoldan janubga tomon quyidagilarni tashkil etadi: Lyanos Orinoko pastekisligi, Gviana yassi tog‘ligi va pastekisligi, Amazonka pastekisligi, Braziliya yassi tog‘ligi, Markaziy (Ichki) tekisliklar, Kordil’era oldi va Pampa Serralari hamda Patagoniya yassi tog‘ligi.