Jamurad yangiboyevich, amirov

Qirqim  tartibi.  Otarlar  qirqimga  to‘liq  keladi.  Sovliqlar  qo‘zilari  bilan 
keladi,  qirqiladi.  Qirqim  paytida  sovliqlar  qo‘zilaridan  ajratib  olinadi.  Qo‘ylar 
qirqimdan oldin 12-14 soat och qoldiriladi, ko‘pincha bir kecha-kunduz och, 12 
soat  suvsiz  qoldiriladi;  oshqozon-ichak  tizimi  oziqaga  to‘la  qo‘ylar  o‘zini 
yomon  his  etadi.  Ho‘l  qo‘ylarni  qirqish  tavsiya  etilmaydi.  Qirqim  sifati  past 
qo‘ylardan  boshlanib  qirqimchilar  tajribasi  ortishi  bilan  sifatli  qo‘ylar  navbati 
boshlanadi. 
Qirqib olingan runo - yalpoqi jun qirqimchi shaxsiy varaqasi bilan taroziga 
yuboriladi.  Junni  tortish  natijalarini  hisobchi  yozib  boradi.  Shundan  keyin 
tayyorlov standarti bo‘yicha runo taxlanadi. 
Jun  klassi.  O‘rnatilgan  standart  asosida  yuvilmagan  junni  sifat 
ko‘rsatkichlariga qarab klasslarga bo‘lish klasslash deyiladi. 
Klasslash  yorug‘  xonalarda  amalga  oshirilib,  u  yerda  klasslash  stoli, 
klasslangan  jun  uchun  burchak,  qadoqlash  uchun  press,  jun  toylari  uchun  joy 
ajratiladi. 
Klasslash  qirqim  davomida  o‘tadi.  Bahorgi  qirqim  paytida  runoni  butun 
olishga  harakat  qilish  kerak. Runo  stol  ustiga kokillari  tepaga  qilib  yoyiladi  va 
bir  necha  siltab  undan  tuproq,  iflosliklar  va  mayda  junlar  tushishiga  erishiladi, 
iflos  junlar  ajratib  olinadi  va  uning  sifat  ko‘rsatkichlari  aniqlanadi:  uzunligi, 
ingichkaligi,  birxilligi  va  tengligi,  mustahkamligi,  iflosligi,  rangini  aniqlash 
runodan katta bo‘lmagan jun kokillari namunalari olinadi. 
Junning  uzunligi  jazbar  yordamida,  ingichkaligi  esa  tashqi  ko‘rinishiga 
qarab aniqlanadi. Junning uzunligi va ingichkaligiga qarab klasslarga bo‘linadi. 
Junning iflosligi  yoyib  turib  ko‘z  bilan  aniqlanadi. Shundan  keyin  runolar 
andoza asosida o‘raladi, maxsus presslarda toylanadi va unga jun ko‘rsatkichlari 
yozib qo‘yiladi.