Жамоатчилик фикрини бошқариш

Ғарбда жамоатчилик фикри тушунчаси

Жамоатчилик фикри атамаси Ғарбий Европада илк даъфа Англия ҳуқуқ назарияси фанида қўлланилган.

XII аср мумтоз феодал жамиятида «жамоатчилик фикри»га оид муҳим қарашлар ривожланганлигини «Public Opinion» (Жамоатчилик фикри) ибораси пайдо бўлганлиги билан ҳам изоҳлаш мумкин. Бу тушунча илк бор Джон Солсбери томонидан илмий муомалага киритилган.

Джон Солсбери (1115/20-1180) инглиз ёзувчиси ва давлат арбоби бўлиб, унинг машҳур асарларидан «Поликратик» – давлат ва жамият тузилиши, давлатни қандай бошқариш кераклиги тўғрисида фикр юритилади.

Джон Солсберининг таъкидлашича, «жамоатчилик фикри оммавий онг шакли бўлиб, унда турли-туман инсонларнинг воқеа ва жараёнларга муносабатлари пинҳоний ёки яққол кўринади». Ушбу таъриф бугунги кунда жамоатчилик фикри тушунчасига нисбатан ишлатилаётган қарашлар тизимига мос келади.

“Жамоатчилик фикрини бошқариш” курсининг мақсади

Ижтимоий гуруҳларнинг мавжуд ижтимоий воқеликка нисбатан баҳоловчи муносабатининг шаклланиши ва амал қилиши қонуниятларини ўрганган ҳолда, жамоатчилик фикрини ташкиллаштириш, бошқариш ва назорат қилишнинг ташкилий асослари (фан, санъат ва дин омили) ўртасидаги корреляцион алоқадорлик динамикасини (ўзаро таъсир кучини) тадқиқ этишдан иборат.

“Жамоатчилик фикрини бошқариш” курсининг объектини жамоатчилик фикрини ташкиллаштириш, бошқариш ва назорат қилишда ижтимоий онг шаклларининг функционал интеграциялашиш хусусиятлари ташкил қилади.

“Жамоатчилик фикрини бошқариш” курсининг объектини жамоатчилик фикрини ташкиллаштириш, бошқариш ва назорат қилишда ижтимоий онг шаклларининг функционал интеграциялашиш хусусиятлари ташкил қилади.

“Жамоатчилик фикрини бошқариш” курсининг предмети жамоатчилик фикрининг хусусиятлари (ўзгарувчанлик, мослашувчанлик ва бошқ.), жамоатчилик фикрини шакллантирувчи мотивлар (фан, санъат, диний анъаналар) ва ҳаракатлантирувчи механизмлар тизими (ички ва ташқи таъсир доирасида юзага келган руҳий-эмоционал куч)дан иборат.