Jamoat salomatligi, sog‘liqni saqlashni tashkil etish va boshqarish kafedrasi

Gospitalizatsiya davrida mehnatga layoqatsizlik varaqasini berish tartibi 
Gospitalizatsiya davrida ordinator vrach bo‘lim mudiri bilan birgalikda 
bemorni kasalxonada bo‘lishi davomida kasallik varaqasini rasmiylashtiradi. 
Kasalxonadan chiqish vaqtida bemorning mehnatga layoqati tiklanmasa, asosiy 
davolanish vaqtiga 1 kundan 3 kungacha muddat qo‘shib beriladi, bu bemorni o‘z 
yashash joyidagi poliklinikaga murojat qilishi uchun belgilanadi. 
3 yoshgacha bo‘lgan bemor bolani statsionarda davolanishi uchun ota 
onalardan biriga vaqtinchalik mehnatga layoqatsizlik varaqasi bola parvarishi 
uchun rasmiylashtiriladi. 3 yoshdan katta bolalar uchun statsionarda davolanish 
vaqti uchun ota onalardan biriga rasmiylashtiriladigan vaqtinchalik mehnatga 
layoqatsizlik varaqasi bo‘lim mudirining ruxsati bilan amalga oshiriladi. OITS 
bilan og‘rigan bemor bolani statsionar sharoitida davolanishi uchun vaqtinchalik 
mehnatga layoqatsizlik varaqasi ota onalardan biriga yoki qarindoshlardan biriga 
butun davolanish davri uchun rasmiylashtiriladi. 
Sog‘lig‘i holatiga ko‘ra boshqa ishga o‘tkazish uchun mehnatga 
layoqatsizlik varaqalari berish 
Sil kasalligi yoki kasb kasalligiga chalinganligi sababli mehnat qobiliyatini 
vaqtincha yo‘qotgan shaxs davolanish tartibini buzmagan holda boshqa ishni 
bajarish imkoniga ega bo‘lsa, unga vrachlik maslahat komissiyasi tomonidan 

---

39 
O‘zbekiston Respublikasi Mehnat kodeksining 218-moddasiga asosan ikki oydan 
ortiq bo‘lmagan muddatga mehnatga layoqatsizlik varaqasi beriladi. 
Chernobil AES halokatidan ziyon ko‘rgan mehnat qobiliyatini vaqtincha 
yo‘qotgan shaxs davolanish tartibini buzmagan holda boshqa ishni bajarish 
imkoniga ega bo‘lsa, vrachlik maslahat komissiyasi tomonidan bemorning ish 
qobiliyati tiklangan yoki nogironlik belgilangan kungacha bo‘lgan muddatga 
mehnatga layoqatsizlik varaqasi beriladi.