Jamoat salomatligi, sog‘liqni saqlashni tashkil etish va boshqarish kafedrasi

Davolash profilaktika muassasalarida vaqtinchalik mehnat qobiliyatini 
yo‘qotish ekspertizasi. 
Vaqtinchalik mehnat qobiliyatini yo‘qotish bilan bog‘liq kasallanish 
ishlovchi axolining kasallanish xolatini aks ettiradi, shuning uchun u nafaqat tibbiy 
ijtimoiy, balki katta ijtimoiy – iqtisodiy ahamiyatga ham egadir. VMQY bilan 
bog‘liq kasallanish ko‘rsatkichlarini pasayishidan nafaqat vrachlar, balki korxona 
va muassasa ma’muriyati, muhandislik xizmati, kasaba uyushma tashkiloti ham 
manfaatdordir. Mazkur tashkilotlar VMQYni tahlil qilishda een faol ishtirok 
etuvchi guruh bo‘lishlari, mazkur xolat sabablarini o‘z vaqtida aniqlashlari, agarda 
imkoniyati bo‘lsa uni sabablarini bartaraf etishda bevosita ishtirok etishlari zarur. 
Mehnatga layoqatsizlik ekspertizasida asosiy rolni o‘ynovchi shaxs – bu 
ambulator-poliklinika muassasasidagi davolovchi vrachdir. Chunki VMQY bilan 
bog‘liq kasallanishni davolashning o‘rtacha 85-90% qismi aynan ambulator 
poliklinika muassasalarida davolanish tashkil etadi. 
Vaqtinchalik mehnat qobiliyatini yo‘qotish xolatini ekspertiza qilish. 
Fuqorolarning vaqtinchalik mehnat qobiliyatini yo‘qotish xolatini ekspertiza 
qilish, ularning kasalligi, shikastlanishi, xomiladorlik xolati, bemor oila a’zolarini 
parvarishlash, 
protezlash, 
sanatoriya-kurortda 
davolanish 
va 
yuqoridagi 
vaziyatlarga tenglashtirilgan boshqa xolatlarda qonunda o‘rnatilgan tartib bo‘yicha 
amalga oshiriladi.
Vaqtinchalik mehnat qobiliyatini yo‘qotishni ekspertiza qilish davlat sog‘liqni 
saqlash tizimida faoliyat olib bouvchi davolovchi vrachlar tomonidan amalga 
oshiriladi. Ular tomonidan fuqoroga mehnatga layoqatsizlik varaqasi beriladi. 
Shaxsiy sektorga tegishli yoki sog‘liqni saqlash tizimining boshqa tizimlarida 
davolangan fuqorolar uchun vaqtinchalik mehnat qobiliyatini yo‘qotish 

---

16 
varaqalarini berish O‘zbekiston Respublikasi Sog‘liqni Saqlash Vazirligi 
tomonidan o‘rnatiladi. 
Vaqtinchalik mehnat qobiliyatini yo‘qotish xolatini ekspertiza qilish vaqtida 
ishchini salomatlik xolatiga ko‘ra vaqtinchalik yoki doimiy boshqa ishga o‘tkazish 
muddati va zaruriyatini aniqlash, shuningdek fuqoroni o‘rnatilgan tartib bo‘yicha 
vrachlik-mehnat ekspert hay’atiga yuborishga qaror qilinadi hamda unda 
nogironlik belgilarining mavjudligi aniqlaniladi.