Jamiyat hayoti va demokratik islohotlar

2-Savolning bayoni:

Rivojlangan demokratik mamlakatlarda milliy g’oya taraqqiyotga undovchi quch sifatida xalqlarning azaliy milliy qadriyat va xususiyatlariga bog’lab singdirilgan. Uning qudratli mafquraviy ta’siri mamlakat aholisini umumiy maqsadlar yo’lida birlashtirgan.

Shu bois ham, O’zbeqiston taraqqiyotining bugungi yangi bosqichida ko’p millatli xalqimizning yagona milliy g’oyasi dunyo ijobiy tajribasining nafaqat ma’naviy-ma’rifiy, tarbiyaviy-axloqiy jihatlarini, balki ijtimoiy-siyosiy va iqtisodiy sohalardagi, jumladan shaxsning intellektual salohiyatini oshirish va inson kapitalini rivojlantirish bilan bog’liq muhim yutuqlarini ham o’zida mujassam etadi.

Milliy g’oya O’zbekistonning tarixiy, madaniy, ilmiy va falsafiy manbalaridan oziqlanadi hamda bugungi kunda shiddat bilan rivojlanayotgan dunyoga mos ravishda o’sib, takomillashib boradi.

Xalqning buyuk mutafakkir va allomalari, davlat va jamoat arboblari, atoqli ijodqor va ziyolilarining qarashlari, boy ma’naviy-ma’rifiy merosi milliy g’oyaning ana shunday negizlarini tashkil etadi.

O’z navbatida milliy g’oya xalqning dunyoqarashi, tarixiy o’zligi va milliy tarbiyasining ma’naviy manbai sifatida yosh avlod ongiga milliy va umuminsoniy qadriyatlarni singdirib boradi.

Mustaqillikning dastlabki yillarida milliy istiqlol g’oyasining ishlab chiqilishi O’zbekistonda mustaqillikni asrash, mamlakat xavfsizligini saqlash, mafkuraviy tahdidlarga qarshi kurashda xalqni birlashtirishga xizmat qildi.

1. 
   Mamlakatimiz istiqlol davrida yildan-yilga rivojlanib, ijtimoiy-iqtisodiy taraqqiyotning turli jabhalarida ulkan ahamiyatga molik yutuq va natijalarga erishib, jahon hamjamiyatida tobora yuksak mavqega ega bo’lib bormoqda. Bunda davlatimiz rahbari tomonidan siyosiy sohada, davlat va jamiyat qurilishi borasida belgilab berilgan strategik maqsad va unga bosqichma-bosqich erishish bo’yicha aniq ishlab chiqilgan vazifalarning izchil amalga oshirilishi muvaffaqiyatlar asosi bo’lib xizmat qilmoqda. Xususan, ijtimoiy va fuqarolik institutlari faoliyatlari yo’lga qo’yildi. Bugungi kunda mamlakatimizda fuqorolik jamiyatining asosi bo’lgan demokratik institutlarni shakllantirish va rivojlantirish jaryonlariga doir islohotlar tobora chuqurlashib bormoqda.
   

Suveren O’zbekiston Respublikasining ijtimoiy asosini fuqarolik jamiyati tashkil etadi:

1.Bu jamiyat xalq millat mustaqilligining tabiiy, iqtisodiy, siyosiy, sotsial zaruriyatining ongli anglangan faoliyatidir.

2.Bu jamiyat o’z fuqarolariga hayot va turmush tarzining mavjudlik va yashash shakillarini erkin tanlash imkoniyatini beradi.

3.Bu jamiyat fuqarolarining ijtimoiy mavqeidan kat’iy nazar, bir xil huquqlarga ega ekanligini qonun ustuvorligi bilan muhofaza qiladigan jamiyatdir.

4.Bu jamiyat hurfikrlilik va vijdon erkinligiga asoslangan bo’lib, har qanday mafkura, dunyoqarash hukmron bo’la olmaydi.

5.Fuqarolik jamiyatining davlati huquqiy davlat hisoblanadi. Bu davlat fuqarolariga ma’naviy madaniy boyliklarini yaratishga, boyitishga va uni ravnaq topishiga imkoniyatlar ochib beradigan dunyoviy davlatdir.

Etnosiyosiy uyg’unlashish- (lotincha Consolido - mustahkamlayman) –etnos, etnik tashkilotning umumiy- siyosiy va ijtimoiy maqsadlar uchun kurashini kuchaytirish maqsadida ayrim guruhlarning birlashishi, mustahkamlanishi, qo’shilishi, jipslashishi. Etnosiyosiy uyg’unlashish asosida etnoslar aloqasining rivojlanishi jarayoni kuchayadi, shuningdek, etnoslar o’rtasida yirik etnik guruhlar shakllanadi.

Etnomadaniyat biror xalqning kelib chiqishi (bu borada o’zbek xalqi), uning madaniyati, turmush tarzi, ma’naviy-ma’rifiy xususiyatlarini tarixiy jarayon (davr)larda ravnaq topib xozirgi kunimizgacha rivojlanib kelayotgan ma’naviy hamda madaniy merosini o’rganadigan fandir.