Jahon tarixi kafedrasi

Temuriylar davrida Nasaf (XIV-XVI asrlar). Qarshi shahrining jadal rivojlanishi 1365 yilda shaharni o‘z nazorati ostiga olgan Amir Temur faoliyati bilan bog‘liq. 1365-1366 yilning kishini Amir Temur Qarshida o‘tkazadi va bu erdagi mudofaa devorlarini qaytadan qurdiradi. Bundan tashqari, rasmiy manbalar Qarshida Amir Temur tomonidan katta jome masjidi ham barpo etilganini tasdiqlaydi.

Ta’kidlash joizki, Qarshi CHig‘atoy xonlarining roziligisiz (tegishli yorliqsiz) Amir Temur hokimiyati o‘rnatilgan birinchi shahar hisoblanadi. Shu tufayli ham o‘rta asr musulmon hukmdorlari orasida kimki Qarshini egallasa, Movarounnahrni boshqaradi, degan aqida ham paydo bo‘ladi.

Keyinchalik ham Amir Temur shaharning muhim ahamiyatga ega ekanini hisobga olib, u erda doimiy harbiy qo‘shin joylashtirib, mudofaa inshootlari holatini kuzatib boradi. Biroq 1387 yili, Amir Temurning Kavkazorti, Iroqning shimoliy hududlariga amalga oshirgan uch yillik harbiy yurishlari paytida (1386-1388), Oltin O‘rda hokimi To‘xtamish Movarounnahr hududiga hujum qiladi. Bu hujum vaqtida Qarshi va uning g‘arb tomonida joylashgan qal’a-saroy - Zanjirsaroy kat­ta talafot ko‘radi.

Amir   Temur   va temuriylar   davrida   Qarshi  Qashqadaryo vohasining yirik savdo va hunarmandlik markaziga aylanadi.

Amir Temur strategik ahamiyatga molik bo‘lgan Nasafni himoya devori bilan o‘ratdi. Ammo, Amir Temurning vatani bo‘lgan Keshning mavqei ko‘tarilishi natijasida Nasaf biroz etibordan qoldi. Shuning uchun temuriylar davridan biron ko‘zga ko‘rinarlik yodgorlik qolmagan.