Jahon qishloq xo’jaligini mexanizatsiyalashtirilishining dastlabki davridagi mashina va qurollarni o’rganish

2.5-rasm. “Germaniya qishloq xo‘jaligi uyushmasi” va mashinalarni sinovdan o‘tkazish

tarzda sinovlar uchun aniq usullar ishlab chiqildi.

1887 yilda qat’iy qoidalar asosida o‘tkazilgan birinchi ko‘chma ko‘rgazma bilan Germaniya qishloq xo‘jaligi uyushmasi mashinalari sinovlari ham boshlandi. Germaniya qishloq xo‘jaligi uyushmasi bunda ektern sinov stansiyalaridan foydalandi. Unumdorlik, yonilg‘i sarfi, bajarilgan ish sifati, yaroqlilik, xavfsizlik, chidamlilik, ish xarajatlari, tayyorlash sifati va xamyonboplik o‘sha davrdagi muhim baholash mezonlari edi. Mashina ishlab chiqaruvchilar ta’siri ostida ham sinov muxokamalarida baholash va qayd qilish shakllari tez-tez o‘zgargan.

1906 yilda qishloq xo‘jaligi mashina sinov muassasalari uyushmasi tashkil topdi. U sinov talablarini va umumiy qishloq xo‘jaligi mashinasozligini takomillashtirish vazifasini bajargan. Bu yo‘lda keyingi davrlarda ko‘p narsalarga erishildi. SHunga qaramasdan na qishloq xo‘jaligi mashina-sinov muassasalari uyushmasi va na Germaniya qishloq xo‘jaligi uyushmasi qishloq xo‘jaligi mashinalari sinovidagi bo‘linishni enga olmadi va yagona qonun-qoidalarni kuchga kirita olmadi.

Qaramog‘ida sinov stansiyalari bo‘lgan ko‘pgina xomiy tashkilotlarning qiziqishlari turlicha edi. O‘quv muassasalari va davlat tajriba stansiyalari bilan bir qatorda qishloq xo‘jaligi uyushmalariga taaluqli bo‘lgan, mashinalar bo‘yicha maslahat byurolariga ega qishloq xo‘jaligi palatalari bugungi kunda ham o‘zining maslahat faoliyati bilan qishloq xo‘jaligi muvaffaqiyatini yuksalishida muxim vazifalarni bajaradi.

2.6-rasm. 1960 yillar oxiridagi BBG firmasining 5-qatorli yarim osma tishli plugi

Mashinalarning sinovdan o‘tkazish sohasidagi bo‘linish 1936 yilda imperiya ozuqa qo‘mitasi qarorlari orqali tugatildi, u shu paytgacha bo‘lgan tashkilotlarning ko‘pchiligini integrallashtirgan edi. Bu tuzilma endi sinov tashkilotlarini yagona prinsiplar asosida nazorat qilar edi.

Sinovlar avvalo qishloq xo‘jaligi palatalarining tajriba uchastkalarida, shuningdek dehqon xo‘jaliklarida va oliygohlarda olib borildi.