Jahon mamlakatlari iqtisodiy

3-MAVZU: G’ARBIY YEVROPA DAVLATLARI

Reja:

Mintaqa davlatlari geografiyasi, demografik vaziyat. Xo’jaligi. Sanoat va qishloq, xo’jaligi tarmoqlari geografiyasi. G’arbiy Evropaning iqtisodi yuqori rivojlangan kichik davlatlari, GFR, Frantsiya Respublikalari iqtisodiy va siyosiy geografik joylanishi, iqtisodiy taraqiyotining umumiy tavsifi. Tabiiy resurslari, aholisi, uning tarkibi, urbanizatsiya darajasi. Xo’jaligi. Sanoat tarmoqlari, qishloq xo’jaligi, transporti, tashqi aloqlari.

Mavzuga oid tayanch tushuncha va iboralar: G’arbiy Evropa, Alp mamlakatlari, Benilyuks.
Yevropaning bu subregioniga qit’adagi eng ulkan iqtisodiy salohiyatga ega uchta davlat- Germaniya, Fransiya va Buyuk Britaniya, shuningdek, Avstriya, Shveytsariya, Belgiya, Niderlandiya, Irlandiya hamda “mitti” davlatlar safiga mansub Lixtenshteyn, Lyuksemburg va Monako kabi mamlakatlar kiradi (jami-11 ta davlat). Alp tog‘larida joylashgan Avstriya, Shveytsariya va Lixtenshteyn Alp mamlakatlari guruhini tashkil qiladilar. Belgiya, Niderlandiya va Lyuksemburg davlatlariga nisbatan esa ular o‘rtasidagi iqtisodiy integratsiya jarayon­lari juda yuqori darajada ekanligini hisobga olgan holda “Benilyuks” umumiy nomi ishlatiladi.