Jahon adabiyotining bestselleri markus zusak

43

qilayotgan erinchoq, tekinxo‘r boylami haqorat qilishga o‘tardi.

— Ular shunchalik “g’schtinkerdt”ki, hatto o‘z kiyimlarini o‘zlari yuva olmaydilar, — deya yo‘l bo‘yi qarg‘anib ketar, o‘zi ham shu odam- larga moliyaviy jihatdan qaram bo‘lsa-da, ich-ichidan ulardan nafrat- lanardi. — Bu odam, — deya u Hayde ko‘chasida yashovchi janob Fogelni qoralay boshlardi, — otasidan qolgan barcha pullami ayollar va ichkilik- bozlikka, shu jumladan, kirlarini yuvdirish va dazmollatishga behuda so- vurishdan boshqa narsani bilmaydi.
Qarg‘ishlar Roza uchun o‘z nafratini ifoda etishning yagona usuli edi. Uning qalampirdek tilidan janob Fogel, er-xotin Pfaffelxurferlar, Hele­na Shmidt, Vayngartnerlar singari boylar o‘z nasibasini olmasdan qolmas- di. Ulaming barchasi, hech bo'lmaganda, bir narsada aybdor bo‘lib chiqardi.
Rozaning so‘zlariga ko‘ra, ichkilikbozlik va fohishabozlik bobida tengsiz bo‘lgan Ernst Fogel doimo bit bosgan sochini qashib yurar, keyin o‘sha iflos barmoqlari bilan unga pul sanab berardi.
— Pulni uyga olib borishdan oldin yaxshilab yuvishim kerak, — derdi Roza.
Pfaffelxurferlar esa xudoning bergan kuni kiyimlami sinchiklab tek- shirib, kamchilik topishga urinishardi.
— “Iltimos, mana bu ko‘ylaklami dazmollayotganingizda g‘ijimlar qolmasin!” — Roza ularga taqlid qilib, gaplarini o‘z holicha qaytarardi. — “Kostyumda ham burishiqlar bo‘lmasin!” Bu yebto‘ymaslar olib borgan hamma narsamni oldimda yoyib, diqqat bilan qarab chiqishadi. Naq bur- nimning ostida-ya! Qanday bedodlik!“G ’sindel¹”!
Er-xotin Vayngartnerlar esa, shubhasiz, o‘zlarining “Saumensch” mushuklari tufayli qarg‘ishlar bilan siylanardi.
— La’nati mushukning kirga yopishgan junini tozalayman deb qan- cha vaqtim ketdi?! Kiyimlarining qayerini qarasang, o‘sha yerda mushuk juni yopishib turgan bo‘ladi!


¹ G 'sindel (nemischa) — ifloslik.