Jahon adabiyotining bestselleri markus zusak

U quyidagilarni o‘z ichiga oladi:
Oxirzamon — to'qson sakkizinchi kun — urush targ'ibotchisi — so‘zlar safari — toshga aylangan qiz — e’tiroflar — Itza Hermanning kichik qora kitobi — samolyot — va xarobalardan tiklangan tog‘.

LXXIIIBOB

OXIRZAMON
(I qism)


Yana bir bor sizni oxirzamonga bir qur nazar tashlashga chorlab qo- laman. Ehtimol, bundan maqsad oldinda turgan zarbaning zalvarini biroz bo‘lsa ham yumshatish yoki o‘zimni hikoya bayoniga yaxshiroq tayyor- lashdir.
Baribir, sizga shuni xabar berishim kerakki, Lizel Meminger uchun dunyo nihoyasiga yetgan pallada “Himmel” ko‘chasida yomg‘ir yog‘ayot- gan edi.
Osmondan xuddi bitta bolakay bor kuchi bilan o‘chirmoqchi bo‘l- gan, lekin urinishlari zoye ketgan jo‘mrakdek suv tomchilay boshladi. Frau Dilleming do‘koni oldida turganimda dastlabki sovuq tomchilar qo‘llarim- ga tushishdi.
Tepamda ovoz eshitilgandek bo‘ldi. Boshimni ko‘tarib qarab zich bulutlar orasida aylanib uchib yurgan va oshqozonlari ochilib, ichidan bombalar betartib tushayotgan samolyotlami ko‘rib qoldim. Ular mo‘ljalda biroz adashishgandi. Albatta, ular tez-tez adashib turishadi.