Ызбекистон республикаси олий ва ырта

IV – MODUL. ZAMONAVIY AXBOROT texnologiyalari ASOSLARI.
15-mavzu: Zamonaviy axborot texnologiyalari asoslari,
ularning ko’rinishlari, turlari va har xil sohalarga qo’llanilishi.
Ajratilgan vaqt - 2 soat.
Asosiy savollar:
1. Zamonaviy axborot texnologiyalarining texnik va dasturiy vositalari.
2. Zamonaviy axborot texnologiyalarining hozirgi kundagi o’rni, qo’llanilishi va kelajakdagi istiqbollari.
Mavzuga oid tayanch tushuncha va iboralar: kompyuter, audio va video qurilmalar, aloqa vositalari, telefon, teletayp, telefaks, texnik ta’minot, dasturiy ta’minot va boshqalar.
Mavzuga oid asosiy muammolar:
1. Zamonaviy axborot texnologiyalarining sifatli ishlashi uning texnik va dasturiy ta’minotiga bog’liq deb e’tirof etiladi. Bu aytilgan fikrni to’g’ri deb hisoblaysizmi yoki yo’qmi. Javobingizni izohlab bering.
2. Zamonaviy axborot texnologiyalarining hozirgi kundagi o’rni va qo’llanilishi axborot texnologiyasining faqatgina sifat darajalari bilan aniqlanadi degan fikr ilgari suriladi. Siz ushbu fikrga qanday qaraysiz? Agar sizda boshqa fikr bo’lsa, javobingizni izohlang.
1-asosiy savol bo’yicha darsning maqsadi: Zamonaviy axborot texnologiyalarining va dasturiy ta’minoti haqida ma’lumot berish.
Identiv o’quv maqsadlari:
1.1. Zamonaviy axborot texnologiyalari texnik ta’minotini so’zlab beradi.
1.2. Zamonaviy axborot texnologiyalari dasturiy ta’minotini izohlab beradi.
1-asosiy savolning bayoni:
Kundalik hayotimizda turli ko’rinishdagi axborotlar masalan, matnli, grafikli, jadvalli, ovozli(audio), rasmli, tasvirli(video) va boshqa axborotlar bilan ishlashga to’g’ri keladi.
Axborot texnologiyasi biror ob’ekt, jarayon yoki hodisaning holati haqidagi axborotlarni to’plash, qayta ishlash va uzatishni amalga oshiruvchi jarayondir.
Zamonaviy axborot texnologiyalari – shaxsiy kompyuterlar va telekommunikatsiya vositalaridan foydalanilgan holdagi zamonaviy muloqotni o’rnatuvchi axborot texnologiyasi hisoblanadi.
Har bir turdagi axborot bilan ishlash (yig’ish, saqlash, uzatish va boshqalar) uchun har xil texnik tavsifnomalarga ega bo’lgan axborot qurilmalari kerak bo’ladi. Bu axborot qurilmalari zamonaviy axborot texnologiyalarining texnik ta’minotini tashkil qiladi.
Zamonaviy axborot texnologiyalarining asosiy texnik vositalari sifatida hozirgi kunda kompyuterlar, hisoblash vositalari, audio va video qurilmalar, aloqa vositalari, teletayplar, telefakslar, telekslar, kseroks va boshqalar qo’llaniladi. Zamonaviy axborot texnologiyalarining dasturiy ta’minoti axborot texnologiyalari ishini tashkil qilish va boshqarishni amalga oshiradi.
Muhokama uchun savollar:
1.1. Zamonaviy axborot texnologiyalarining texnik vositalari qaysilar va ular qanday vazifalarni bajaradi?
1.2. Zamonaviy axborot texnologiyalarining dasturiy ta’minoti nima uchun xizmat qiladi.
1.3. Axborot va telekommunikatsion texnologiyalari bazasida faoliyat ko’rsatuvchi ta’lim vositalari:
a) yangi avlodni o’qitish vositalari; b) kompyuterlar;
v) orgtexnika; g) plakat; d) maketlar.
1.4. Zamonaviy axborot texnologiyalari asosida ma’lumotlarni jamlash, tasvirlash, yangilash, saqlash, bilimlarni interaktiv usulda taqdim etish va nazorat qilish imkoniyatlariga ega bo’lgan manba qanday nomlanadi?
a) elektron o’quv adabiyot; b) bosma o’quv adabiyot; v) ilmiy adabiyot;
g) texnik adabiyot; d) axborot adabiyoti.