Ызбекистон республикаси олий ва ырта махсус

5. МАЛАКАВИЙ АМАЛИЁТ МОБАЙНИДА ТАЛАБАНИНГ
ҲУҚУҚЛАРИ ВА МАЖБУРИЯТЛАРИ
Ўқув-малакавий амалиёт мобайнида талабанинг ҳуқуқлари ва мажбуриятлари қуйидагилардан иборат:

• 
  амалиётга боришдан аввал талаба берилган дастур билан яқиндан танишиб, ишлатилиши зарур бўлган жадвалларнинг макетини тузиши шарт;
  
• 
  амалиёт обьектига ўз вақтида келиши, зарур ҳужжатларга эга бўлиши лозим;
  
• 
  амалиёт ўтиш даврида талаба дастурда амалиёт бўйича бажарилган топшириқларни бажаришга мажбур;
  
• 
  амалиёт ўтаётган корхона фаолияти билан боғлиқ бўлган турли анжуманларда фаол қатнашиш ҳуқуқига эга;
  
• 
  амалиётни ўтиб бўлгандан сўнг, бажарилган ишлар бўйича амалиёт раҳбари керакли тафсилотни бериб, дастхатни қўйгандан сўнг ҳисобот кафедрага топширилади;
  
• 
  иш текширилгандан сўнг ҳимояга тавсия этилса белгиланган муддатда ҳимоя қилинади.
  

6. МАЛАКАВИЙ АМАЛИЁТ НАТИЖАЛАРИНИ ЯКУНЛАШ
ВА ҲИСОБОТНИ ҲИМОЯ ҚИЛИШ
Амалиёт сўнгида талаба ҳисоботни “Маркетинг” кафедрасининг хайъати хузурида химоя қилади.
Махсус хайъат иштирокида амалиёт ҳисоботи ҳимояси университетда ёки амалиёт обьектида ўтказилади. Хайъат таркибида “Маркетинг” кафедрасининг профессор-ўқитувчилари, амалиёт раҳбари ва амалиёт обьектидан етук мутахассислар бўлиши зарур.
Амалиёт бўйича талабанинг ҳисоботи юз баллик тизим бўйича баҳоланиб, натижаси махсус қайдномада қайд этилади.


7. МАЛАКАВИЙ АМАЛИЁТ БЎЙИЧА ҲИСОБОТНИ
БАҲОЛАШ ТАРТИБИ ВА МЕЗОНЛАРИ
Талабаларнинг ўқув-малакавий амалиёти ҳисоботини ҳимоя қилиш бўйича билим савияси, кўникма ва малакаларини назорат қилиш рейтинг тизими асосида балларда ифодаланади.
Талаба мазкур ўқув-малакавий амалиёти ҳисоботини ҳимоя қилиш бўйича йиғиши мумкин бўлган максимал балл – 100 балл бўлиб, у қуйидагича тақсимот қилинади:


Баллар тақсимоти (ўзлаштириш кўрсаткичлари бўйича баҳолаш мезонлари):

№	Ўзлаштириш кўрсаткичлари	Баҳолаш мезонлари
1	55-70 фоиз	қониқарли
2	71-85 фоиз	яхши
3	86-100 фоиз	аъло

Ўқув-малакавий амалиёти ҳисоботини ҳимоя қилиш бўйича ажратилган балнинг 55 фоизи саралаш балл этиб белгиланади. Саралаш балидан кам балл тўплаган талаба академик қарздор талаба ҳисобланади.

Ўқув-малакавий амалиёти ҳисоботини ҳимоя қилиш бўйича академик қарздор талабаларга қайта ўзлаштириши учун семестр давомида икки ҳафта муҳлат берилади.