Ызбекистон республикаси олий ва ырта махсус таълим вазирлиги

4.4. Tabiiy-ekologik resurslarga to’lovlar. Tabiiy-ekologik resurslardan foydalanganlik uchun to’lovlar bozor islohotlari asosida o’tkazilayotgan tabiiy-resurs munosabatlarini qayta o’zgartirishning to’g’ridan-to’g’ri oqibatidir. Shunday to’lovlarni o’rnatish totalitar tuzum davrida hukmron bo’lgan yerga va boshqa tabiiy resurslarga yagona davlat monopoliyasining bekor qilinishi va yer hamda boshqa resurslarning sotish – sotib olish va fuqarolik-huquqiy bitishuv (kelishuv) ob’ektiga aylanishi tufayli mumkin bo’lib qoldi. Tabiiy resurslardan foydalanish uchun to’lovlarni o’rnatishda quyidagi vazifalar qo’yildi:

1. 
   Ishlab chiqaruvchilarning tabiiy resurslar va yerdan samarali foydalanishga manfaatdorligini oshirish;
   
2. 
   Moddiy resurslarni saqlash va takror ishlab chiqarishga manfaatdorligini oshirish;
   
3. 
   Tabiiy resurslarni tiklash va takror ishlab chiqarishga qo’shimcha mablag’lar olish.
   

O’zbekiston Respublikasining «Tabiat muhofazasi to’g’risida»gi qonunining (1992 yil) 34-moddasida asosan ikki turdagi to’lovlar belgilangan: resurslardan foydalanganlik uchun to’lovlar va atrof tabiiy muhitni ifloslantirganlik uchun to’lovlar.