Ызбекистон республикаси олий ва ырта махсус таълим вазирлиги

1.2. Ekologiyaning bo’lim va tarmoqlari. Endilikda ekologiya fani biologiyadan ajralgan holda mustaqil ravishda juda keng miqyosda rivojlanib borayotgan makroekologik fanga aylandi. Uning tarkibida bir necha mustaqil bo’limlar yoki ilmiy yo’nalishlar mavjud (1-chizma). Bular barchasi ekologiyaning boshqa fanlar bilan yaqindan aloqada bo’lishi, o’z navbatida ularni ekologiyaning tadqiqot usullaridan foydalanib, mavjud masalalarni muvaffaqiyatli hal qilayotgani bilan bog’liq.

Makroekologiyaning tuzilishida quyidagi asosiy bo’limlarni ajratish mumkin: umumiy ekologiya, bioekologiya, geoekologiya, inson ekologiyasi, ijtimoiy ekologiya, tabiatdan foydalanishning ekologik iqtisodiyoti, amaliy ekologiya va boshqalar. Har bir bo’lim, o’z navbatida kichik bo’limlardan tashkil topgan, ular yo’nalishlari bo’yicha boshqa fanlar va ekologiyaning boshqa bo’limlari bilan aloqada bo’ladi.

Umumiy ekologiya yagona fundamental ilm asosida turli xil ekologik bilimlarni birlashtirishga bag’ishlangan. Uning negizi nazariy ekologiya bo’lib, ekologik tizimlarni mavjud bo’lishining umumiy qonuniyatlarini aniqlaydi. Ekologik jarayonlarni tajriba yo’li bilan o’rganish ekologiyada ko’p qo’llaniladi. Ekspyerimental ekologiya yutuqlaridan fanning