Ixtiroga o‘zbekiston respublikasining patentini berish uchun talabnomalarni tuzish, topshirish va ko‘rib chiqish qoidalari to‘G‘risida

§ 30. Xalqaro talabnoma rasmiy ekspertizasi 
289. RST shartnomasining 11(3) moddasiga muvofiq xalqaro talabnoma topshirilgan sana 
sifatida uning xalqaro topshirish sanasi qabul qilinadi.

---

290. Rasmiy ekspertiza o‘tkazishda ushbu Qoidalarning 
159—170-bandlaridagi
 talablarga 
rioya qilingani, va shuningdek quyidagilar: 
arizada keltirilgan ma’lumotlar xalqaro talabnomaning nashr varag‘ida ko‘rsatilgan 
bibliografiya ma’lumotlariga mosligi; 
talabnoma beruvchining nomi o‘zgargani haqidagi, mualliflar, so‘ralayotgan ustuvorlik 
haqidagi hujjatlar mavjudligi; 
Xalqaro patent qidiruvi hisoboti va/yoki Xalqaro dastlabki ekspertiza xulosasi mavjudligi 
tekshiriladi. 
291. Agar Xalqaro patent qidiruvi hisoboti va yoki Xalqaro dastlabki ekspertiza xulosasida 
ixtiro birligi talabi buzilgani haqida xulosa va ularning asoslanishi berilgan bo‘lib, talabnoma 
beruvchi tomonidan RST shartnomasining 17(3a) va 34(3a) moddalarida ko‘zda tutilgan qo‘shimcha 
bojlar to‘lanmagani sababli xalqaro talabnomaning biron-bir qismlari bo‘yicha Xalqaro patent 
qidiruvi hisoboti va/yoki Xalqaro dastlabki ekspertiza xulosasi tuzilmagan bo‘lsa, ko‘rsatilgan 
qismlar qo‘shimcha boj to‘lanishi sharti bilan ko‘rib chiqishga qabul qilinishi mumkin. 
Qo‘shimcha boj to‘lanmagan holda xalqaro talabnomaning faqat Xalqaro patent qidiruvi 
hisoboti berilgan va/yoki Xalqaro dastlabki ekspertiza o‘tkazilgan qismlari ko‘rib chiqishga qabul 
qilinadi. 
292. Agar xalqaro talabnoma rasmiy ekspertizasini o‘tkazish jarayonida talabnoma uning 
hujjatlariga qo‘yilgan talablar buzilgan holda rasmiylashtirilgani aniqlansa, mavjud bo‘lmagan yoki 
tuzatilgan hujjatlarni so‘rovnoma jo‘natilgan sanadan e’tiboran uch oy ichida taqdim etish taklif 
qilingan so‘rovnoma yuboriladi.
293. Agar talabnoma tarkibida barcha kerakli hujjatlar mavjud bo‘lib, ularga nisbatan ushbu 
Qoidalarda belgilangan talablarga rioya qilingan bo‘lib, talabnoma berilgan taklif patentga layoqatli 
deb e’tirof etilmaydigan ob’ektlar ro‘yxatiga kirmagan holda talabnoma beruvchiga talabnoma ko‘rib 
chiqishga qabul qilingani to‘g‘risida qaror yuboriladi.