Ixtiroga o‘zbekiston respublikasining patentini berish uchun talabnomalarni tuzish, topshirish va ko‘rib chiqish qoidalari to‘G‘risida

§ 29. Xalqaro talabnomani ko‘rib chiqish 
285. RST shartnomasining 23 va 40 moddalariga muvofiq xalqaro talabnomani ko‘rib 
chiqish xalqaro talabnomada so‘ralgan ustuvorlik sanasidan o‘ttiz bir oy o‘tgandan so‘ng talabnoma 
beruvchi tomonidan ushbu Qoidalarning 
282 — 284 bandlarida
 keltirilgan hujjatlar taqdim etilgan 
holda boshlanadi. 
286. Talabnoma beruvchining iltimosnomasiga binoan xalqaro talabnomani ko‘rib chiqish 
belgilangan muddatdan avval boshlanishi mumkin.
Xalqaro talabnomani ko‘rib chiqishni ko‘rsatilgan muddatdan avval boshlash haqidagi 
iltimosnoma talabnoma beruvchi tomonidan xalqaro chop etish sanasigacha berilgan holda 
talabnomaning o‘zbek yoki rus tiliga tarjimasi bilan birga xalqaro talabnomaning qabul qiluvchi idora 
tomonidan tasdiqlangan va xalqaro topshirish sanasi belgilangan nusxasi taqdim etiladi.
287. Talabnoma beruvchiga xalqaro talabnoma hujjatlari kelib tushgani haqida talabnomaga 
berilgan ro‘yxat raqami va hujjatlar kelib tushgan sana ko‘rsatilgan holda bildirishnoma yuboriladi. 
288. Agar Qoidalarning 
282-bandida
 ko‘rsatilgan hujjatlar talabnoma beruvchi tomonidan 
belgilangan muddatda taqdim etilmaganligi aniqlangan holda RST shartnomasining 24(1)(iii), 39(2) 
moddalariga muvofiq xalqaro talabnomaning O‘zbekiston Respublikasida amal qilishi to‘xtatiladi. 
Belgilangan muddat o‘tgandan keyin taqdim etilgan hujjatlar Yo‘riqnomaning 49.6 
qoidasida ko‘zda tutilganidek talabnoma beruvchi tomonidan belgilangan muddat o‘tkazib 
yuborilishiga uzrli sabablar tasdiqlanishi va belgilangan boj to‘lanishi sharti bilan ko‘rib chiqishga 
qabul qilinishi mumkin.