Иқтисодий таҳлил ва аудит

IAG 2. Аудит ўтказишга розилик ҳақидаги хат:
Мижозга аудиторнинг аудит ўтказишга розилик билдириб ёзган хати, аудиторнинг унга аудит ўтказиш хақида қилинган таклифга рози эканлигини тасдикдовчи ҳужжат сифатида хизмат қилади, аудитор бажаришни ўз зиммасига оладиган ишнинг кўлланиш ва жавобгарлик даражасини, хамда ҳисобот бериш шаклини белгилаб беради.
Стандартда розилик бериш хақидаги хатнинг асосий тезиси мавжуд, иловада эса шундай хатга мисол келтирилган.
IAG 3. Аудит Ўтказишнинг асосий принциплари:
Стандартда аудитор аудит ўтказаётганда амал қилиш лозим бўлганқуйидаги принциплар санаб ўтилади:
Ҳалоллик, холислик ва мустақиллик, сир сақлай олиш, тегишли малака ва билимларга эга бўлиш, бошқа аудиторларнинг иш натижаларидан фойдаланиш, аудиторлик маълумотларини олиш, режалаштириш, ҳужжатлаштириш, ҳисоб-китоб ва ички назорат тизимини текшириш ва якуний хулосалар ясаш.
Халқаро стандартлар ўзгартирилган (такомиллаштирилган) да ҳам мазкур принциплар ўзгартирилмайди.
IAG 4. Режалаштириш:
Стандарт режалаштириш жараёнига молиявий ҳисобот бериш юзасидан хам, бошка молиявий маълумот юзасидан ҳам аудит ўтказиш сифатида қарайди, режалаштириш жараёнининг мухим элементларини аниқлайди ва унда аудитни тайёрлашда кўриб чиқилиши лозим бўлган масалаларга амалий мисоллар мавжуд.
IAG 5. Бошқа аудиторларнинг иш натижаларидан фойдаланиш:
Стандарт мустақил аудитор аудиторлик хулосаси тайёрлаш учун бошқа бир мустақил аудиторнинг бир ёки бир нечта ҳисоботга киритилган бўлим, филиаллар, шўъба корхоналар ёки ассоциациялар томонидан берилган молиявий ҳисоботга алоқадор бўлган ишининг натижаларидан фойдаланган холларда қўлланилади. Бошқа аудиторнинг фаолияти натижаларидан фойдаланмоқчи бўлаётган аудитор ҳисобга олиши лозим бўлган жихатларни баён қилади.
IAG 6. Аудит ўтказилиши муносабати билан бухгалтерия ҳисоб-китобида қўлланилган тизимни ва ички назоратнинг мувофиқ келувчи воситаларини ўрганиш ва баҳолаш:
Стандартда ички назорат, хамда ички назоратнинг холатини ўрганиш ва баҳолашга мўлжалланган аудиторлик тадбирларининг ҳисоб-китоб тизимлари, элементлари, вазифалари ва чеклашлар кўриб чиқилган.