Иқтисодий билимдонлик,мушоҳадалилик ва онглилик

Иқтисодиёт- мураккаб ижтимоий тизим бўлиб, мулкчиликнинг турли шаклларига асосланган хўжаликлардан, хўжаликлараро, давлатлараро бирлашмалар,қўшма корхоналар,молия ва банк тизимларидан, давлатлар ўртасидаги турли иқтисодий муносабатлардан иборат бўлади.
Миллий иқтисодиёт- яхлит иқтисодиёт бўлиб, у барча тармоқ ва соҳаларни ,микро ва макро даражадаги иқтисодиётларни,функсионал иқтисодиётларни,кўплаб инфра тузилмаларни ўз ичига олади.
Иқтисодий қонунлар-иқтисодий ҳаётнинг турли томонлари,иқтисодий ҳодиса ва жараёнлар ўртасидаги доимий равишда барқарор равишда такрорланиб турадиган сабаб-оқибатли алоқаларни,уларнинг ўзаро таъсири ва боғликлигини ифодаловчи муносабатлардир.
Иқтисодий ҳодисалар-жамиятда ҳар хил даражадаги иқтисодий фаолиятларни амалга оширишда аниқланадиган сифат ва миқдор ўзгаришлари, жараёнлар.
Иқтисодий қонунлар ва ҳодисаларни мушоҳада этиш- бўлажак кадрларни жамият аъзолари томонидан ўз эҳтиёжларини қондириш,иқтисодий манфаатларини рўёбга чиқариш ва фаолият вазифаларини ошириш мақсадида обектив иқтисодий қонун ва ҳодисаларни кузатиши, ўрганиши ва уларга нисбатан онгли муносабатда бўлишидир.
Демография- давлат аҳолисини ўсиб бориш қонуниятларини, унинг ижтимоий-иқтисодий,табиий шарт-шароитларга боғлиқлигини,аҳоли сонини,ҳудудий жиҳатдан жойлашганлиги ва таркиби, уларнинг ўзгариши,сабаб ва оқибатларини ўрганади.
Ишлаб чиқарувчи кучлар- ишчи кучи билан ишлаб чиқариш воситалари мажмуидир,яъни ишлаб чиқаришнинг бир –бири билан доимо ривожланиб борувчи шахсий ва моддий омилларидир.
Ишлаб чиқарувчи кучларнинг жойлашуви-алоҳида ҳудудларнинг табиий ,ижтимоий ва иқтисодий шарт-шароитларига мувофиқ ишлаб чиқарувчи кучларнинг тақсимланишини тавфсифловчи ҳолат.
Ижтимоий-иқтисодий ривожланиш- кўп қиррали жараён бўлиб, мамлакат ижтимоий иқтисодий ҳаётидаги сифат ва миқдор ўзгаришларини: иқтисодий ўсиш ,таркибий ўзгаришлар,аҳоли турмуш даражаси ва фаровонлигининг ошиш қобилларини қамраб олади.