Иқтидорли талабалар” клуби низоми умумий қоидалар

Ҳозирда махкур ҳужжатга ўзгартириш киритилмоқда

“ИҚТИДОРЛИ ТАЛАБАЛАР” клуби

НИЗОМИ

1. 
   Умумий қоидалар:
   

1. 
   Мазкур Низом “ИҚТИДОРЛИ ТАЛАБАЛАР” тўгараги (бундан кейинги ўринларда Клуб деб юритилади) ўз фаолиятини Ўзбекистон Республикасининг «Таълим тўғрисида» ги Қонуни ва «Кадрлар тайёрлаш» Миллий Дастури, Вазирлар Маҳкамасининг 2008-йил 13-октябрдаги “Ўзбекистон иқтидорли ёшларини тақдирлаш ва моддий рағбатлантириш тўғрисида”ги 226-сон Қарори ҳамда Олий ва ўрта махсус таълим вазирлиги томонидан ишлаб чиқилган тегишли ҳуқуқий-меъёрий ҳужжатлар асосида ташкил этишини таъминлайди.
   
2. 
   Клуб узлуксиз таълим тизимида таҳсил олаётган талабаларнинг илмий-ижодий ривожланиши ва ўз иқтидорларини намоён этишлари учун ташкил этиладиган чора-тадбирларнинг таркибий қисми ҳисобланади ва бу ишларнинг самарали ташкил этилиши ҳамда фаолият юритишида тегишли вазифаларни амалга оширади.
   
3. 
   Ушбу Клуб ўз олдига бўлажак Президент ва номли давлат стипендияларига илмий-ижодий ва амалий жиҳатдан салоҳиятли, замонавий илм-фан ютуқларини чуқур эгаллаган юқори малакали ҳамда мустақил фикрига эга бўлган муносиб номзодларни тайёрлаш, шунингдек, Академия талабалари ўртасида илмий-ижодий, маънавий-маърифий ишларни мақсадли ҳамда тизимли асосда амалга оширишда тегишли равишда кўмаклашишни асосий мақсад қилиб қўяди.
   
4. 
   Клуб талаба-ёшларда замонавий илм-фан муаммоларининг оптимал ечимларини излаб топиш кўникмаларини шакллантириш ва ўқув фаолиятига нисбатан иштиёқларини ривожлантиришга қаратилган вазифаларниларни амалга оширади ҳамда маълум фан ёки касб-ҳунар соҳаси бўйича орзу-мақсадлари ва қизиқишлари ҳамоҳанг бўлган иқтидорли талабаларнинг илмий-ижодий салоҳиятини оширишда тажрибали мутахассис-кадрлар, давлат стипендияси совриндорлари ва профессор-ўқитувчиларнинг иштирокини таъминлайди.
   
5. 
   Клуб – фан ва таълим соҳалари ҳамда мутахассисликлари бўйича Президент ва номли давлат стипендияларига номзод талаба-ёшларнинг илмий-ижодий ҳамда интеллектуал салоҳиятини ривожлантириш, уларда давлат тилида иш юритиш кўникмаларини шакллантириш мақсадида дарсдан ташқари равишда ташкил этилади,