Istiqlol tufayli har bir jabhada, xususan, ma’naviy qadriyatlarga hamda so‘z san’atiga nisbatan munosabat tubdan o‘zgardi

Tadqiqot obyekti va predmeti. Ma’lum darajada sheva leksikasini o‘zida qamragan G‘ijduvon shevasi vakillaridan yozib olingan dialektal matnlar tarkibidagi mavjud dialektal so‘zlarning xususiyatlarini (tasnifi, turlarini) o‘rganish magistrlik dissertatsiyasining asosiy tadqiq obyekti bo‘lsa, sheva vakillaridan yozib olingan dialektal matnlardagi dialektal so'zlar uning predmetini tashkil qiladi.
Tadqiqotning ilmiy yangiligi. Ishda ilk bor G‘ijduvon tuman shevasida qo‘llaniladigan dialektal so‘zlar vа ularning turlarining xususiyatlari o‘rganildi. Unda qo‘llanilgan dialektal so‘zlar leksik-semantik guruhlarga ajratilib, adabiy til leksikasi bilan qiyosiy yo‘nalishda ilmiy tahlil va tadqiq etildi. Bunday tadqiq G‘ijduvon shevasida oldin amalga oshirilmagan.
Tadqiqotning asosiy masalalari va farazlari. Tadqiqotning asosiy masalalari G‘ijduvon shevasiga xos leksik xususiyatlarni o‘rganish.
Uning farazlari esa ushbu magistrlik dissertatsiyasining maqsad va vazifalaridan kelib chiqqan bo‘lib, quyidagi ko‘rinishlarda bo‘ladi:
1-faraz. O‘rganilayotgan shevada fors-tojik tilining ta'siri seziladi.
2-faraz. Shevada o‘zbek adabiy tilida qo‘llanmaydigan so‘zlarning
semantik o‘ziga xos tomonlari mavjud.
3-faraz. G‘ijduvon shevasi leksikasi maxsus monografik planda hali o‘rganilmagan.
Tadqiqot mavzusi bo‘yicha adabiyotlar sharhi. Adabiy tilda ishlatilmaydigan anchagina so‘zlar o‘zbek xalq shevalarida saqlanib qolganligini va muayyan tushuncha, narsa-buyum, harakat-holat va belgi-xususiyatlarni ifodalashda faol qo‘llanadi. Y.D.Polivanov, K.K.Yudaxin, I.I.Zarubin, G‘ozi olim Yunusov, F.Abdullayev, A.K.Borovkov, V.V.reshetov, Sh.Shoabdurahmonov, A.Shermatov, N.Rajabov, X.Doniyorov, Q.Muhammadjonov, D.Abdurahmonov, B.Jo‘rayev, A.Jo‘rayev, A.Ishayev, N.Shoimova, N.Murodova kabi olimlar maxsus qayd etishgan. Bulardan ko‘rinib turibdiki, o‘zbek xalq shevalari XX asrning 20-yillaridan to bugungi kungacha ko‘p olimlar tomonidan o‘rganilgan. Masalan, Fattoh Abdullayev Namangan va Xorazm hududi shevalarini monografik planda o‘rganib, bir qancha monografiya va lug‘atlar nashr ettirgan. Shonazar Shoabdurahmonov o‘zbek xalq shevalari bilan adabiy tilni o‘zaro taqqoslab qarluq lahjasiga oid ma’lumotlarni monografiya va lug‘atlarida qayd etgan va “O‘zbek xalq shevalari lug‘ati”ni tuzishga rahbarlik qilgan³