Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

Er-xotinlik munosabati.
Er bilan xotinining bir-biriga sadoqati, oila butunligi va sha’nini 
ko‘z qorachig‘iday asrash, farzandlarni boqish, voyaga yetkazish, tarbiyalash va shu kabilar. 
Bu yo‘ldagi harakatlar borib-borib, er-xotinni bir-biriga ma’naviy va burch jihatidan 
yaqinlashtirib boradi. Ularning maqsad-intilishlari mushtarak bo‘ladi. O‘sib voyaga yetgan 
farzandlarning hayotda o‘z o‘rinlarini topishlari, uyli-joyli bo‘lib mustaqil hayotga qadam 
qo‘yishlari er-xotinga (ota-onaga desak to‘g‘riroq bo‘ladi) katta ma’naviy huzur bag‘ishlaydi. 
1
Yoshlarni oilaviy hayotga tayyorlash: baxtli oila sari. 8-11-bet. 
275

---

TOSHKENT DAVLAT PEDAGOGIKA UNIVERSITETI
 
ILMIY AXBOROTLARI 2020/5 
Xullas, yoshlikda asosan jinsiy qiziqishlar natijasida hosil bo‘lgan ittifoq – oila bora-bora o‘sib-
ulg‘ayib, o‘ziga xos boshqaruv, ta’minot, tarbiya, ma’naviy va shu kabi omillar bo‘yicha 
faoliyat markaziga aylanib qoladi. 
Ota-ona va farzand munosabati.
Bu munosabat, asosan, tarbiyaga bog‘liq. Tarbiyaning 
esa uslublari ko‘p. O‘rgatish, tushuntirish, taqiqlash va hokazo. Oilada ota-onaning, shu 
oiladagi kattalarning yurish-turishidan tortib, so‘z madaniyati, kiyinishi, kishilar bilan 
muomalasi, hatto atrof-muhitga munosabati va shu singari oddiy bo‘lib ko‘rinadigan holatlar 
ham bola tarbiyasiga katta ta’sir qiladi. 
Farzandlar va ular o‘rtasidagi munosabat.
Farzandlarning bir-birlariga mehribon 
bo‘lishlari, sirdosh va qo‘llab-quvvatlash ruhidagi tarbiyasi ularning birgalikdagi oilaviy va 
keyingi mustaqil hayotlarida ham katta ahamiyat kasb etadi.
 
Qaynona va kelin munosabati.
Bu milliy urf-odatlarimiz nuqtayi nazaridan o‘zbek oilasi 
uchun nihoyatda muhim ahamiyatga ega. Chunki ko‘pgina o‘zbek oilalaridagi er-xotin 
o‘rtasidagi muammolar qaynona bilan kelin o‘rtasidagi kelishmovchilikdan kelib chiqadi. 
Buning ijtimoiy sabablari ko‘p. Lekin bu sabablar qaynonalarning dabdabalarga ortiqcha 
berilishi, o‘zining shaxsiy manfaatlarini ustun qo‘yishi yoki umuman kelin bilan muomala 
uslubini bilmasligidan kelib chiqadi.