ILMIY AXBOROTNOMA UNIVERSITETIMIZ HAYOTIDAN
2016-yil, 2-son
MILLIY MAFKURAMIZ TARG‘IBOTINING METODOLOGIK ASOSI
Mustaqil davlatimizning ravnaqi, kelajakdagi istiqboli ko‘p jihatdan yosh avlodning ilmiy
ma’naviy salohiyatiga bog‘liqdir. Yoshlarning ma’naviy barkamollik darajasi milliy g‘oya asoslarini
ularning qalbi va ongiga, shuuriga nechog‘lik singdirilganligi bilan belgilanadi. Shu bois milliy g‘oya
va mafkurani maxsus fan sifatida o‘rganish, milliy g‘oyani yoshlar ongi va qalbiga singdirishning
usullari va texnologiyalarini ishlab chiqish ijtimoiy siyosiy fanlar sohasidagi tadqiqotchi olimlar
oldida turgan dolzarb vazifadir. Mana shunday dolzarb muammolarga bag‘ishlangan fundamental
tadqiqotlardan biri, milliy g‘oya va mafkuramizning jonkuyar targ‘ibotchisi, SamDU professori J.
Yaxshilikov va dotsent N.E. Muhammadiyevlar tomonidan yaratilgan “Milliy g‘oya va mafkura”
nomli monografiyadir.
Hozirgi murakkab globallashuv jarayonlarida yosh avlodni barkamol qilib tarbiyalashda, ularda
milliy o‘zlikni anglash va iftixor tuyg‘usini shakllantirishdek mas’uliyatli sohada mazkur monografiya
ilmiy nazariy metodologik asos bo‘lib xizmat qiladi. Mazkur monografiyada milliy g‘oya va
mafkuraning fan sifatida vujudga kelishining obyektiv va subyektiv,ichki va tashqi asosiy sabablari,
qonununiyatlari hamda kategoriyalari, jamiyatda ijtimoiy funksiyalari va vazifalari, ta’lim tizimida
boshqa ijtimoiy gumanitar fanlar bilan o‘zaro munosabati ilmiy jihatdan batafsil tadqiq etilgan.
Mualliflar g‘oya va mafkura tushunchalariga berilgan ta’riflardan kelib chiqqan holda, g‘oyalar
tasnifiga jamiyatdagi ijtimoiy funksiyasiga nisbatan yondashadilar hamda ularning ontologik va
gneseologik xarakterga ega ekanligini ob’ektiv tarzda asoslab beradilar. Monografiyada shuningdek
milliy g‘oya va mafkuraning tarixiy ildizlari tahlil etilar ekan, tadqiqotchilar Markaziy Osiyo
allomalarining adolatli jamiyat qurish borasidagi falsafiy fikrlariga tayangan holda vorisiylik
tamoyilidan kelib chiqqan holda ularning bugungi kunda fuqarorlik jamiyatini bunyod etishdagi
ahamiyatini asoslab beradilar.
Milliy g‘oya va mafkuramizni targ‘ibot va tashviqoti jarayonlarida mutaxassislar bosh va asosiy
g‘oyalarning mazmun mohiyatini ochgan holda xalq orasida ish olib borishdan iborat ekanligini
mualliflar ko‘rsatib berar ekanlar, uni tashkil etish uchun amaliy tavsiyalar ishlab chiqqanlar.
Mualliflar tomonida ishlab chiqilgan bu amaliy tavsiyalar ma’naviy ma’rifiy targ‘ibot jarayonlarida
mutaxassislar uchun nazariy manba bo‘lib xizmat qiladi. Shuningdek, uzluksiz ta’lim tizimida yoshlar
ongi va qalbiga milliy g‘oya va mafkurani singdirishning nazariy metodologik asoslari monografiyada
batafsil yoritib berilgan. Monografiyada kishilarning mafkuraviy immunitetini shakllantirish
jarayonida globallashuvchi va universallashtiruvchi omillarini, hamda bugungi dunyoning mafkuraviy
manzarasini, geosiyosat tushunchasi, geopolitik maqsadlar va mafkuraviy siyosat, mafkuraviy
profilaktika amalga oshirish chora-tadbirlarini yoritishga qaratilgan.
Jamiyat barqarorligini taminlashda millatlararo totuvlik, ijtimoiy hamkorlik, dinlararo
bag‘rikenglik kabi omillarning ta’siri beqiyos ekanligini obyektiv tarzda asoslab berganlar.
Monografiyada jamiyat taraqqiyoti yuksalishi doimo tafakkur o‘zgarishini va ma’naviy yangilanib
borish zaruriyati ekanligini, shu asosda milliy o‘zlikni anglash natijasida barkamol avlod tarbiyalanib
borishining muhim omili ekanligi yoritib berilgan.Mazkur tadqiqotda milliy g‘oyani rivojlantirishning
institutsional tizimida g‘oyaviy ta’lim-tarbiya, ma’naviy tarbiya tushunchalari, ularning mazmuni,
namoyon bo‘lish xususiyatlarini hamda kishilar ongi va qalbiga singdirishda adabiyot, san’at,
ommaviy axborot vositalari, oila, mahalla, nodavlat-notijorat tashkilotlari, ma’naviy madaniy va
ma’rifiy muassasalarning o‘rni va ahamiyatini kengnroq yoritishga harakat qilingan.
Monografiya ravon, tushunarli va sodda tilda yozilgan bo‘lib o‘quvchida mutoala jarayonida
hech qanday qiyinchilik tug‘dirmaydi. Shu bois mazkur monografiya «Ommaviy madaniyat» tahdid
solib turgan hozirgi murakkab globallashuv sharoitida yoshlarda milliy o‘zlikni anglash va Vatan
tuyg‘usini shakllantirishda, ularda mafkuraviy immunitetni mustahkamlash borasidagi targ‘ibot va
tashviqot ishlarini olib borishda muhim nazariy va metodologik manba bo‘lib xizmat qiladi.
Do'stlaringiz bilan baham: 
